Hesablama Palatasının “Azərbaycan Respublikasının İpoteka və Kredit Zəmanət Fondunun vəsaitlərinin formalaşdırılması və idarə edilməsinə dair auditin nəticələri haqqında” hesabatına əsasən, ipoteka kreditlərinin əksəriyyəti paylanmada regional bərabərsizlik mövcuddur.
Fondun nizamnaməsinə görə fəaliyyətinin əsas məqsədi ölkə əhalisinin yaşayış sahəsi ilə təmin edilməsi olsa da, 2023-cü ildə verilən kreditlərin çoxu Bakı şəhərində cəmlənib, regionlarda isə bu istiqamətdə fəaliyyət kifayət qədər geniş vüsət almayıb.
Audit nəticələri göstərir ki, bu vəziyyət fondun resurslarının effektiv bölüşdürülməməsi ilə nəticələnib.
Hesabatda həmçinin bildilir ki, güzәştli ipoteka kreditlәrinin verilmәsindәn geri qaytarılan vәsait tam olaraq tәkrar maliyyәlәşdirmәyә yönәldilmәmiş, bir hissәsi ipoteka örtüyü ilә tәmin edilmiş ipoteka istiqrazlarının bağlanmasına vә digәr istiqamәtlәrә yönәldilmişdir. Belә ki, 2009-2023-cü illәr әrzindә ümumilikdә 185,5 mln. manat vәsait daxil olmuşdur ki, onun da 44,4 mln. manatı güzәştli ipoteka kreditlәrinin yenidәn maliyyәlәşdirilmәsinә, 129,4 mln. manatı Fondun emissiya etdiyi ipoteka istiqrazlarının ödәnişinә yönәldilmiş, 11,7 mln. manatı isә hesablaşma hesabının qalığında qalmışdır.