Mərkəzi Bank (MB) pul siyasəti alətlərini maliyyə bazarlarında gedən proseslər və bank sisteminin likvidlik mövqeyindəki dəyişikliklər nəzərə alınmaqla tətbiq edir. Ötən iclasdan bəri təminatsız pul bazarında faizlər Mərkəzi Bankın faiz dəhlizi daxilində hərəkət edib.
Məlumata görə, AZİR (Azərbaycan Gecəlik Əməliyyatların Orta Faiz Dərəcəsi) indeksi ilə uçot dərəcəsi arasındakı fərq tarixi minimuma enib.
AZİR indeksinin orta günlük səviyyəsi iyul ayında 7,15%, avqust ayında 6,97%, sentyabrın ötən dövründə isə 6,98% təşkil edib. Bu göstərici Mərkəzi Bankın faiz siyasətinin effektiv şəkildə həyata keçirildiyini və pul bazarında sabitliyin təmin olunduğunu nümayiş etdirir.