2025-ci ilin yanvar–avqust aylarında fəaliyyət göstərən bankların xalis mənfəəti 774.3 mln. manat təşkil etmişdir. Bu göstərici 2025-ci ilin yanvar–iyul aylarının nəticələri ilə müqayisədə 91.5 mln. manat və ya 13.4% artmışdır. Ötən ilin müvafiq dövrü (2024-cü ilin yanvar–avqust ayları) ilə müqayisədə isə xalis mənfəət 2.0 mln. manat və ya 0.26% yüksəlmişdir.
GDP Mərkəzi Banka istinadla xəbər verir ki, hesabat dövründə bankların əməliyyat mənfəəti 1,187.5 mln. manat olmuşdur ki, bu da iyul ayı ilə müqayisədə 101.6 mln. manat və ya 9.4% artım deməkdir. 2024-cü ilin yanvar–avqust ayları ilə müqayisədə isə əməliyyat mənfəətində 39.3 mln. manat və ya 3.4% artım qeydə alınmışdır.
Banklar tərəfindən ödənilmiş mənfəət vergisi 2025-ci ilin yanvar–avqust aylarında 187.9 mln. manat olmuşdur. Bu göstərici iyul ayı ilə müqayisədə 22.2 mln. manat və ya 13.4% artmışdır. Ötən ilin eyni dövrünə nisbətən isə mənfəət vergisi 12.8 mln. manat və ya 7.3% çox olmuşdur.