30 noyabr 2025-ci il tarixinә fәaliyyәt göstәrәn 22 bankın filiallarının sayı 501, şöbәlәrinin sayı 85, ATM-lәrin sayı 3,462 olmuşdur. Hesabat ayında bank sektorunda çalışanların sayı 0.4% vә ya 99 nәfәr artaraq 27,020 nәfәr tәşkil etmişdir. Ümumilikdә, 2025-ci ilin 11 ayında bank sektorunda çalışanların sayı 6.5% vә ya 1,657 nәfәr artmışdır.
Fәaliyyәtdә olan bankların cәmi aktivlәri 58,748.5 mln. manat, cәmi öhdәliklәri 51,517.4 mln. manat, balans kapitalı 7,231.1 mln. manat olmuşdur. Noyabr ayında bankların cәmi aktivlәri 4.3%, cәmi öhdәliklәri 4.7%, balans kapitalı 1% artmışdır.
Hesabat ayında bankların kredit portfeli 1% vә ya 281.7 mln. manat artaraq 29,685.5 mln. manat olmuşdur. Kredit portfelinin strukturu: ı) biznes kreditlәri – 53.2% (15,804.8 mln. manat); ıı) istehlak kreditlәri – 31.4% (9,318.8 mln. manat) vә ııı) ipoteka kreditlәri – 15.4% (4,561.9 mln. manat).
Bankların öhdәliklәrinin strukturunda depozit portfeli üstünlük tәşkil edir – cәmi öhdәliklәrin 72.2%-i vә ya 37,202 mln. manat. Depozit portfelinin 57.4%-i (21,354.3 mln. manat) hüquqi şәxslәrin, 42.6%-i (15,847.7 mln. manat) fiziki şәxslәrin depozitlәrindәn (fәrdi sahibkarlıqla mәşğul olan fiziki şәxslәrin depozitlәri istisna olmaqla) ibarәtdir.
Fiziki şәxslәrin әmanәtlәrinin 67.5%-i (10,701.4 mln. manat) milli valyutada, 32.5%-i (5,146.3 mln. manat) xarici valyutadadır. Fiziki şәxslәrin әmanәt portfelinin 62.9%-i (9,963.9 mln. manat) müddәtli әmanәtlәrdәn ibarәtdir. Fiziki şәxslәrin müddәtli әmanәtlәri noyabr ayında 0.8% vә ya 80.3 mln. manat, tәlәbli әmanәtlәri isә 3.9% vә ya 218.4 mln. manat artmışdır.
2025-ci ilin noyabr ayında bank sektoru üzrә unikal müddәtli әmanәtçi sayı 2.7% (4,959 әmanәtçi), ilin әvvәlindәn isә 26.8% (40,409 әmanәtçi) artaraq 190.9 min nәfәri üstәlәmişdir.
Hüquqi şәxslәrin tәlәbli depozitlәri 16,043.9 mln. manat olmaqla, hüquqi şәxslәrin cәmi depozit portfelinin 75.1%-ni tәşkil etmişdir. Cari ilin noyabr ayında hüquqi şәxslәrin cәmi depozit portfeli 4.1% vә ya 840.4 mln. manat artaraq 21,354.3 mln. manat tәşkil etmişdir.
2025-ci ilin yanvar – noyabr aylarında banklar 1,058.9 mln. manat xalis mәnfәәt, 1,651.6 mln. manat mәblәğindә әmәliyyat mәnfәәti әldә etmişlәr. Cari ilin 11 ayında banklar tәrәfindәn ümumilikdә 265.5 mln. manat mәblәğindә mәnfәәt vergisi ödәnilmişdir (2024-cü ilin analoji dövrü ilә müqayisәdә 14.3% vә ya 33.2 mln. manat daha çox).
Monetar sektor
Cari ilin noyabr ayında manatla geniş mәnada pul kütlәsi (M2) ilin әvvәlinә nәzәrәn 2.6% artaraq 37,596.2 mln. manat tәşkil etmişdir. Bank sektorunun xarici öhdәliklәri ilin әvvәlinә nәzәrәn 469 mln. manat artaraq 3,054.5 mln. manat tәşkil etmişdir. Xarici öhdәliklәrdәki qeyd olunan dәyişiklik әsasәn qeyri-rezident banklardan alınmış qısamüddәtli kreditlәrin hәcmindәki artım ilә әlaqәdardır.
Ödәnişlәr sektoru
Banklar vә “Azәrpoçt” MMC sistemlәri üzrә noyabr ayının sonunda dövriyyәdә olan ödәniş kartlarının sayı ötәn aya nәzәrәn 134 min әdәd artaraq 21 milyon 835 min әdәd tәşkil etmişdir. Keçәn ilin müvafiq dövrü ilә müqayisәdә bu göstәrici 12.2 % artmışdır. Ödәniş kartlarında debet kartlarının sayı 14.7% artmış, kredit kartlarının sayı isә 6.7% azalmışdır. Ödәniş kartlarının artması nağdsız ödәnişlәrin hәcminә müsbәt tәsir göstәrmişdir. Belә ki, noyabr ayı әrzindә ölkәdaxili nağdsız әmәliyyatların hәcmi keçәn ilin müvafiq dövrü ilә müqayisәdә 14.4% artmışdır. 2025-ci ilin noyabr ayı әrzindә kartlar vasitәsilә hәyata keçirilәn ölkәdaxili nağdsız ödәnişlәrin hәcmi 7,940 mln. manat tәşkil etmişdir. Hәyata keçirilәn nağdsız ödәnişlәrin 6,948 mln. manatı elektron ticarәtin payına düşür. Qalan mәblәğin 990 mln. manatı POS-terminallar, 2 mln. manatı isә özünә xidmәt terminalları vә bankomatlar vasitәsilә gerçәklәşdirilmişdir. İlin әvvәlindәn ödәniş kartları ilә nağdsız ölkәdaxili әmәliyyatların hәcmi ölkәdaxili kart әmәliyyatlarının 67.5%-ni tәşkil etmişdir.
Banklar vә “Azәrpoçt” MMC ödәniş xidmәti şәbәkәlәri üzrә dinamik artım müşahidә olunur. Belә ki, keçәn ilin noyabr ayının sonu ilә müqayisәdә bankomatların sayı 8.5%, POS-terminalların sayı 57.1% artmışdır.