Tural Hicrət oğlu Feyzullayev 2026-cı ilin yanvar ayından Azərbaycan Mərkəzi Bankın baş direktoru vəzifəsinə təyin edilib.
GDP xəbər verir ki, o bu vəzifədə Rəna Məlikovanı əvəzləyib. Məlikova müşavir təyin edilib.
1990-cı ildə Ağcabədi rayonunda anadan olmuşdur. Azərbaycanlıdır. Ali təhsillidir.
2011-ci ildə Azərbaycan Respublikasının Prezidenti yanında Dövlət İdarəçilik Akademiyasını “Hüquqşünaslıq” ixtisası üzrə bakalavr, 2013-cü ildə Fransanın Tuluz Universitetini “Beynəlxalq və Avropa hüququ”, 2014-cü ildə isə həmin universiteti “Beynəlxalq biznes hüququ” ixtisasları üzrə magistr dərəcələri ilə bitirmişdir.
Əmək fəaliyyətinə 2011-ci ildə “Azərsun Holding” MMC-də Araşdırma departamentində araşdırma mütəxəssisi vəzifəsi ilə başlamışdır.
2015-2016-cı illərdə Mərkəzi Bankın Hüquq departamentinin Bank nəzarətinin hüquqi təminatı şöbəsində hüquq məsləhətçisi vəzifəsində işləmişdir.
2016-2019-cu illərdə Azərbaycan Respublikasının Maliyyə Bazarlarına Nəzarət Palatasında hüquqşünas, aparıcı hüquqşünas, böyük hüquqşünas, Hüquqi təminat idarəsinin rəisi vəzifələrində işləmişdir.
2018-ci ilin noyabr ayında Azərbaycan Respublikasında biznes mühitinin əlverişliliyinin artırılmasına verdiyi töhfəyə və beynəlxalq reytinqlərdə ölkəmizin mövqeyinin daha da yaxşılaşdırılması sahəsində səmərəli fəaliyyətinə görə “Tərəqqi” medalı ilə təltif edilmişdir.
2020-2021-ci illərdə Mərkəzi Bankın Hüquq departamentində direktor müavini – Maliyyə bazarlarının hüquqi təminatı şöbəsinin rəisi vəzifəsində işləmişdir.
2021-2022-ci illərdə “AccessBank” QSC-də Hüquq və komplayens departamentinin rəhbəri vəzifəsində işləmişdir.
2021-ci ildə Birinci “Yüksəliş” müsabiqəsinin qalibi olmuşdur.
2022-2025-ci illərdə Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin Hüquqi təminat və təhlil sektorunun müdiri vəzifəsində işləmişdir.
Ailəlidir.