Azərbaycanda təminatsız pul bazarında qısamüddətli faizlər Mərkəzi Bankın (AMB) faiz dəhlizi çərçivəsində, uçot dərəcəsinə yaxın səviyyədə formalaşır.
GDP xəbər verir bu barədə Azərbaycan Respublikası Mərkəzi Bankı məlumat yayıb
Məlumata görə, pul siyasəti alətləri maliyyə bazarlarında gedən proseslər və bank sistemindəki likvidlik göstəriciləri nəzərə alınmaqla tətbiq olunur.
“AZIR dərəcəsi üzrə orta günlük göstərici 2026-cı ilin martın sonundan başlayaraq 6,43-6,44 % intervalında olub. İzafi likvidlik şəraitində AZIR-i uçot dərəcəsinə yaxın səviyyədə idarə etmək üçün əsasən 7 günlük depozit əməliyyatlarından istifadə edilir. Mayın sonuna açıq bazar əməliyyatları üzrə sterilizasiya portfelinin strukturunda 7 günlük depozit əməliyyatlarının payı 88,7 % təşkil edib. Bununla yanaşı, AMB-nin notlarının yerləşdirilməsi üzrə müntəzəm hərraclar da keçirilir. May və iyun aylarında bütün müddətlər üzrə notların gəlirliliyi azalma meyilli olub. İlin qalan dövründə bank sektorunda izafi likvidliyin daha da artması gözlənilir”, – deyə məlumatda qeyd olunub