Forbes ABŞ-ın hazırkı prezidenti Donald Trampın sərvətindəki artımı 2,7 milyard dollar qiymətləndirir.
GDP xəbər verir ki,bu artımın əsas mənbələri kimi Tramp ailəsinin kriptovalyuta layihələri və xaricdə həyata keçirilən biznes sövdələşmələri göstərilir.
Kriptovalyuta Tramp üçün ideologiyadan daha çox gəlir gətirən aktivə çevrilib. Tokenlər və onlarla əlaqəli biznes strukturları ənənəvi daşınmaz əmlakdan əldə edilməsi daha çətin olan likvidlik yaradıb. Maraqlıdır ki, bir vaxtlar bitkoini “fırıldaq” adlandıran Tramp indi kriptovalyuta sektoruna artan maraqdan maliyyə baxımından faydalanır.
Bazar üçün siqnal ikitərəflidir: bir tərəfdən, kriptovalyutaların ABŞ-ın ən yüksək siyasi səviyyəsində qəbulunun artması sektor üçün müsbət amil kimi qiymətləndirilə bilər. Digər tərəfdən, siyasi və maliyyə maraqlarının kəsişməsi potensial maraqlar toqquşması və gələcək tənzimləmə siyasəti ilə bağlı əlavə suallar yaradır.