Fondun dürüstləşdirilmiş büdcəsində cari ilin sonuna 1 204,2 milyon manat profisitin proqnozlaşdırılması onu deməyə əsas verir ki, ilin sonuna Fondun xərclər ilə bağlı hər hansı maliyyə çətinlikləri olmayacaqdır.
Bu barədə GDP-yə Azərbaycan Dövlət Neft Fondundan məlumat verilib.
Qeyd olunub: “Bildiririk ki, 31 may 2024-cü il tarixinə Dövlət Neft Fondunun faktiki daxilolmaları 7440,7 milyon manat, xərcləri 5346,6 milyon manat təşkil edib, Fondun aktivləri ilin əvvəli ilə müqayisədə 1,76 mlrd ABŞ dollar və yaxud 3,1% artaraq 57,8 mln ABŞ dollar təşkil edib”
Neft Fondu hesab edir: “Cari ildə dövlət və icmal büdcənin aparılan dürüstləşdirilmə çərçivəsində Fondun 2024-cü ilin büdcəsində müvafiq dəyişikliklərin edilməsi nəzərdə tutulur ki, bu dəyişikliklərə əsasən Fondun büdcəsində xam neftin ortaçəkili qiyməti 60 ABŞ dollarından 75 ABŞ dollarına qədər, müvafiq olaraq Fondun büdcə gəlirləri 12 073,3 milyon manatdan 14 109,2 milyon manata qədər, büdcə xərcləri 12 900,2 milyon manatdan 12 904,9 milyon manata qədər artırılır. Bununla əlaqədar, Fondun dürüstləşdirilmiş büdcəsində cari ilin sonuna 1 204,2 milyon manat profisitin proqnozlaşdırılması onu deməyə əsas verir ki, ilin sonuna Fondun xərclər ilə bağlı hər hansı maliyyə çətinlikləri olmayacaq.”