Mərkəzi Bankın sədr müavini Rəşad Orucov “Visa”rəsmisi ilə rəqəmsal ödənişlər üzrə dələduzluq hallarının qarşısının alınmasını müzakirə edib

Mərkəzi Bankın sədrinin birinci müavini Rəşad Orucovun rəhbərliyi ilə nümayəndə heyəti “Visa” təşkilatının MDB və Cənub-Şərqi Avropa ölkələri üzrə baş vitse-prezidenti və regional meneceri Kristina Doroş ilə görüşüb.

GDP xəbər verir ki, görüş çərçivəsində ictimai nəqliyyatda nağdsız ödənişlərin genişləndirilməsi, ağıllı şəhər və ağıllı kənd konsepsiyasının tətbiqi, eləcə də rəqəmsal ödənişlər üzrə dələduzluq hallarının qarşısının alınması kimi məsələlər müzakirə olunub.

Görüşdə həmçinin qurumların əməkdaşlığı çərçivəsində həyata keçirilən və perspektivdə olan təşəbbüslər barədə fikir mübadiləsi aparılıb.