Azərbaycan Fintex Assosiasiyası “Gələcək üçün Assosiasiyalar” layihəsinin benefisiarı seçilib

Azərbaycan Fintex Assosiasiyası “Gələcək üçün Assosiasiyalar” (AFA) layihəsinin benefisiarı olaraq seçilib.

GDP xəbər verir ki,əsas icraçısı Azərbaycan Mikromaliyyə Assosiasiyası (AMFA) olan layihə yerli və beynəlxalq təşkilatların Konsorsiumu tərəfindən həyata keçirilir.

Layihənin məqsədi Azərbaycanda biznes və peşəkar assosiasiyaların bacarıqlarını artıraraq ölkənin iqtisadi inkişafında töhfə verməkdir. Layihə çərçivəsində benefisiar assosiasiyalar üçün, öz üzvlərinə daha yaxşı xidmət göstərmək məqsədilə bilik və bacarıqlarının artırılması, fəaliyyətlərininin təkmilləşdirməsi və kiçik qrantların təqdim olunması nəzərdə tutulur.
AFA Layihəsinin seçilmiş yeni benefisiarları ilə tanışlıq və layihənin təqdimatı məqsədi ilə görüş keçirilib.