“Norm” ASC 2023-ci ilin audit olunmuş maliyyə nəticələrinə dair hesabatı bölüşüb.
Nəticələr göstərir ki, şirkətin ötən ilki maliyyə göstəriciləri əvvəlki illə müqayisədə xeyli yüksəlib.
GDP xəbər verir ki, “Norm” ASC-də satış gəliri 11% artaraq 226 milyon AZN təşkil edib, ümumi gəlir isə 21,1% artaraq 109 milyon AZN-yə çatıb. Əməliyyat mənfəəti 8,1 milyon manat, yəni 14,6% artaraq 63,5 milyon manata, vergidən əvvəlki mənfəəti isə 31% artaraq 66,8 milyon manata çatıb.
“Norm” ASC-nin Baş Maliyyə Direktoru Elvin Mirzəyev bildirib ki, şirkət 2023-cü ildə
fəaliyyətini uğurla davam etdirib və həm gəlirlərini, həm də xalis mənfəətini artırmağa nail olub. O, həmçinin qeyd edib ki, şirkət ötən il yüksək məbləğdə – 14 milyon AZN-dən çox mənfəət vergisi ödəyərək, ölkənin ən iri vergi ödəyən müəssələrindən biri olub.
Şirkətin Baş İcraçı Direktoru Henning Sasse “Norm” ASC-nin sement bazarının lideri kimi ötən ili uğurlu başa vurduğunu vurğulayıb: “Biz hal-hazırda tikinti materialları seqmentində genişlənməyi hədəfləyirik və beynəlxalq konsultantlarla bu layihələrin texniki-iqtisadi əsaslandırması hazırlanır. Həmçinin, şirkətimiz bu il Azərbaycan Sement İstehsalçıları Assosiyasının üzvləri ilə “Xalis Sıfır Sürətləndirici” təşəbbüsünə qoşulub. Assosiasiya üzvləri və Avropa Sement Tədqiqatı Akademiyası (ECRA) ilə birlikdə Azərbaycanın sement və beton
sənayesində karbon emissiyalarının azaldılmasına dair Xalis Sıfır Yol Xəritəsinin hazırlanması istiqamətində aktiv işləyirik. Hədəfimiz Yol Xəritəsini yekunlaşdırıb, COP29 tədbirində ictimaiyyətə təqdim etməkdir”.
Ən çox oxunan
- Azərbaycan neftinin ixrac qiyməti 2025-ci il üçün 70,0 ABŞ dolları götürülüb
- Türkiyə istiqrazlarına tələbat yoxdur. Türkiyədə faizlər uzun müddət yüksək qalacağı üçün 200%-lik əmsal xəzinəyə təzyiqi artırır bu da investorların marağını istiqrazlara azaldır.
- ABŞ konqresmenləri Ağ Evi Rusiyadan helium idxalına sanksiyalara çağırıb
- ABŞ-da pərakəndə satışlar proqnozları üstələyərək 0,1% artıb
- Brentin qiyməti stabilləşib
- Mərkəzi Bank rəsmisi Dayanıqlı Bankçılıq və Maliyyə Şəbəkəsinin 8-ci Qlobal Toplantısında çıxış edib
- Rusiya Çinə malların pulunu kriptovalyuta ilə ödəyir
- “Şimal-Cənub”-un Şərq marşrutu üzrə dəmir yolu yükdaşımaları 2030-cu ilədək 5 milyon tona çata bilər