Author: Aynure Gdp

Qızıl seçkilərdən sonra onilliklərin ən böyük enişini nümayiş ettirir. Deutsche Bank-ın məlumatına görə, ABŞ-da respublikaçı namizədin qələbəsindən sonra iki gün ərzində qiymətli metal ən azı son 13 prezident seçkisi üçün ən pis nəticələrini göstərib. Seçki günündən bu yana qızılın qiyməti təxminən 7% azalıb, digər bir neçə aktiv sinfi isə seçkidən sonrakı yüksəlişdən faydalanıb. “İnsanlar, adətən, heç nə işləmədiyi zaman qızıla maraq göstərirlər,” deyə US Bank-ın investisiya strategiyası üzrə baş direktoru Rob Havort bildirib. “Halbuki, hazırda səhmlər yaxşı performans göstərir; hətta aşağı keyfiyyətli korporativ kreditlərdən də yaxşı gəlir əldə etmək olar. Buna görə də, kimsə portfelin artırılması üçün alternativ vasitələr axtarmağa…

Azərbaycan Beynəlxalq Bankının (ABB) İdarə Heyətinin sədri Abbas İbrahimov COP29-un “Elm, Texnologiya və Rəqəmsallaşma Günü” çərçivəsində təşkil olunan tədbirlər barədə məlumat verib. GDP xəbər verir ki, onun sözlərinə görə, ABB pavilyonunda bank əməkdaşları korporativ müştərilər üçün rəqəmsal həlləri təqdim ediblər. Tədbir çərçivəsində Visa şirkəti ilə əməkdaşlıq nəticəsində hazırlanan ABB mobile tətbiqindəki Karbon İzi Kalkulyatorunun təqdimatı keçirilib. İbrahimov qeyd edib ki, pavilyonda həmçinin startaplar arasında dayanıqlılıq mövzusunda müsabiqə, rəqəmsal məhsul və xidmətlərlə bağlı təqdimatlar və panel müzakirələri təşkil olunub. Bankın rəhbəri bildirib ki, tədbirdə Azərbaycan Respublikası Prezidentinin köməkçiləri – ABB-nin Müşahidə Şurasının sədri Şahmar Mövsümov və Müşahidə Şurasının üzvü Xalid Əhədov…

Azərbaycanın pambıq və tekstil sənayesinin ən böyük şirkəti olan GP Cotton Holdings, COP29-un altıncı günü Yaşıl Zonada “Davamlı Heyvandarlıq İstehsalı: İqlim Dayanıqlılığı Üçün Biznes və Kənd Təsərrüfatının Birliyi” adlı ölkə heyvandarlığının inkişafı baxımından önəmli sessiya keçirdib. Tədbir iqlim dəyişikliyi fonunda davamlı təcrübələrin zəruriliyini müzakirə etmək üçün heyvandarlıq və kənd təsərrüfatı sektorlarından tanınmış simaları bir araya gətirib. GP Cotton Holdings şirkətinin Müşahidə şurasının müşaviri Gülnarə Həsənovanın moderatorluq etdiyi sessiyanın panelində Alltech şirkətinin Ətraf mühit, Sosial və İdarəetmə üzrə Qlobal vitse-prezidenti Tara McCarthy, Qlobal Südçülük Platformasının İcraçı direktor Donald Moore, Qlobal Davamlı Mal Əti Platformasının Latın Amerikası üzrə regional direktoru Josefina Eisele, GP Cotton Holdings şirkətinin Müşahidə şurasının sədri John…

Azərbaycanda əsas kapitala yatırılan investisiyalar bu ilin yanvar-oktyabr aylarında 14,4 milyard manat olub. Bu, 2023-ün eyni dövrü ilə müqayisədə 4,4% azdır. GDP xəbər verir ki, Dövlət Statistika Komitəsinin məlumatına görə, hesabat dövründə neft-qaz sektoruna investisiyalar 9,1%, qeyri-neft sektoruna isə 2% azalıb. İnvestisiyaların 7,3 milyard manatı (50,8%) istehsal sahələrinə, 5,2 milyard manatı (35,9%) xidmət sektoruna, 1,9 milyard manatı (13,3%) isə mənzil tikintisinə yönəldilib. Ümumi sərmayələrin 11,9 milyard manatını və ya 83%-ni daxili investisiyalar təşkil edib. Qeyd edək ki, tikinti-quraşdırma işlərinə 10,4 milyard manat və ya ümumi investisiyaların 72,3%-i sərf olunub.

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Kiçik və Orta Biznesin İnkişafı Agentliyinin (KOBİA) təşkilatçılığı ilə “KOB-ların yaşıl iqtisadiyyatda rolu” mövzusunda panel müzakirə keçirilib. “Yaşıl zona”da təşkil edilən tədbirdə rəsmi şəxslər, beynəlxalq təşkilatların nümayəndələri, iş adamları və “yaşıl iqtisadiyyat” sahəsində fəaliyyət göstərən startaplar iştirak ediblər. Paneldə İtaliya-Azərbaycan Ticarət Palatasının prezidenti Manuela Traldi, KOBİA-nın İdarə Heyətinin sədri Orxan Məmmədov, BMT-nin Cənub-Cənub Əməkdaşlıq Ofisinin direktoru Dima Əl-Xatib və digər yüksək səviyyəli qonaqlar çıxış edərək KOB-ların dünya iqtisadiyyatında və məşğulluqdakı rolundan, iqlim dəyişiklikləri ilə mübarizədəki əhəmiyyətindən danışıblar. Tədbirdə KOB-ların yaşıl transformasiyasının qlobal və milli səviyyədə birgə əməkdaşlıqla mümkün…

Bazarlarda ötən həftənin qazancının bir qismi itirildi, çünki yeni administrasiyanın siyasətləri ilə bağlı qeyri-müəyyənlik investorların əhvalına təsir etdi. Cümə günü Nasdaq 2%-dən, S&P 500 isə 1%-dən çox endi. Maliyyə və enerji səhmləri deregulyasiya ümidləri ilə qazanc əldə etsə də, səhiyyə səhmləri Robert F. Kennedy Jr.-ın Səhiyyə və İnsan Xidmətləri Naziri kimi namizədliyindən sonra tənzimləyici problemlərin işarələri ilə kəskin eniş göstərdi. Bitcoin və Elektrikli Avtomobil (EV) Volatilliyi Bitcoin seçkilərdən sonra 32% artaraq pro-kripto siyasətlərə olan nikbinliklə yüksəldi, lakin həftənin ortasında sabitləşdi. Tesla və Rivian kimi EV səhmləri böyük volatillik göstərdi. Tesla, Elon Musk-ın hökumətdə mümkün rolu ilə bağlı spekulyasiyalarla əvvəlcə yüksəldi,…

Ötən həftə Azərbaycan Mərkəzi Bankının sədr müavini Əliyar Məmmədyarov Azərbaycan Fintex Assosiasiyasının nümayəndələri ilə görüşüb. GDP xəbər verir ki,görüş zamanı ölkədəki fintex ekosistemini təmsil edən təşkilatların ötən rübdəki fəaliyyət nəticələri geniş müzakirə olunub. Görüş çərçivəsində rəqəmsal ödənişlərin təşviqi, Açıq bankçılıq sisteminin tətbiqi və fintexlər ilə maliyyə sektorunun digər iştirakçıları arasında qarşılıqlı əməkdaşlıq imkanları kimi vacib məsələlər müzakirə edilib. Eyni zamanda, sektor nümayəndələrini maraqlandıran suallar cavablandırılıb.

KOBİA İdarə Heyətinin sədri Orxan Məmmədov COP29 çərçivəsində keçirilən “İqlim Dəyişikliyinə Dayanıqlı Kiçik Orta Bizneslər” adlı tədbirdə çıxış edib. GDP-nin məlumatına görə, o bildirib ki, qlobal təşəbbüslə çıxış edərək KOB-ların yaşıl keçidini iqlim dəyişikliyi müzakirələrində və COP prosesində əsas prioritet kimi müəyyənləşdirmək üçün kompleks ekosistemin bütün iştirakçılarının səfərbər edilməsi hədəflənib. Məmmədovun sözlərinə görə, Bakı Bəyannaməsinin əhəmiyyətli məqamlarından biri də KOB-ların yaşıl transformasiyasında təmin edilə biləcək həll yollarının açıqlanmasıdır. Bu həll yollarına KOB-lar arasında məlumatlılığın artırılması, onların potensial və imkanlarının gücləndirilməsi, eləcə də yaşıl maliyyə və investisiya təchizatının stimullaşdırılması daxildir.

COP29 çərçivəsində iqlim maliyyəsi, sərmayə və ticarət sahəsində yeni bir təşəbbüs – BICFIT Dialoqu başladılıb. BMT-nin müxtəlif qurumları ilə əməkdaşlıqda həyata keçiriləcək təşəbbüs, iqlim dəyişikliyi ilə mübarizədə maliyyə və ticarət əlaqələrini gücləndirməyi hədəfləyir. İqtisadiyyat naziri Mikayıl Cabbarov təşəbbüsün xüsusilə inkişaf etməkdə olan ölkələr üçün əhəmiyyətini vurğulayıb. Tədbirdə UNCTAD-ın baş katibi Rebeka Qrinspan, UNDP-nin administratoru Axim Ştayner və digər beynəlxalq təşkilatların rəhbərləri iştirak ediblər. Dialoq çərçivəsində iqlim maliyyəsi, investisiya və ticarət siyasətlərinin formalaşdırılması, beynəlxalq əməkdaşlığın gücləndirilməsi müzakirə olunub. Tədbirin sonunda keçmiş, hazırkı və növbəti COP Prezidentləri tərəfindən BICFIT Dialoqu üzrə Birgə Bəyannamə qəbul edilib.

İqtisadiyyat Nazirliyinin Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov COP29 çərçivəsində keçirilən “İqlim Dəyişikliyinə Dayanıqlı Kiçik Orta Bizneslər” adlı tədbirdə çıxış edərkən bildirib ki, kiçik və orta biznes subyektlərinin yaşıl iqtisadiyyata keçidi iqlim dəyişikliyi ilə mübarizədə həlledici əhəmiyyət daşıyır. Məmmədovun sözlərinə görə, KOB-ların fərdi ekoloji təsiri az olsa da, onların ümumi təsiri iri şirkətlərlə müqayisə oluna bilər. Eyni zamanda, KOB-lar öz kiçik ölçüləri və məhdud resursları səbəbindən iqlim dəyişikliyinin mənfi təsirlərinə qarşı daha həssasdırlar. KOBIA rəhbəri vurğulayıb ki, iqlim böhranının həlli milyonlarla KOB-un yaşıl iqtisadiyyat tələblərinə uyğunlaşması və xalis sıfır emissiyaya keçidi olmadan mümkün deyil.…