Author: Aynure Gdp

Dünya birjalarında Azərbaycan nefti dəyər itirib. GDP xəbər verir ki, “Azeri Light” markalı neftin bir barelinin qiyməti 0,35 dollar və ya 0,39% azalaraq 88,65 dollar olub

30 iyul 2024-cü il tarixindən etibarən “Azercell Telekom” MMC-nin fakturasız (SimSim) və fakturalı xətt sisteminin abunəçilərinin istifadəsi üçün nəzərdə tutulmuş “Tiktok internet paketi” və “Günlük Bölgə” kampaniyaları ləğv ediləcək. GDP xəbər verir ki, 30 iyul 2024-cü il tarixindən etibarən “Azercell Telekom” MMC-nin fakturasız (SimSim) və fakturalı xətt sisteminin abunəçilərinin istifadəsi üçün nəzərdə tutulmuş “Duet Kart”, “Əkiz Kart” və “Video Zəng” xidmətləri də ləğv ediləcək.

Su şəbəkəsinə qoşulma sahəsində aparılmış ən son islahatlar nəticəsində şəbəkəyə qoşulmanın 3 prosedur üzrə ümumilikdə 30 gün müddətində həyata keçirilməsi ilə bağlı müraciətlərin qəbulu və təmin edilməsi məqsədilə Azərbaycan Respublikası Nazirlər Kabinetinin 20 iyun 2024-cü il tarixli 305 nömrəli Qərarı ilə “Tikinti obyektlərinin su təchizatı və tullantı sularının axıdılması sisteminə qoşulması Qaydası” təsdiq edilib. GDP xəbər verir ki, yeni qaydalara əsasən, məişət abonentlərinin və sutka ərzində tələb olunan buraxılış həcmi 100 kubmetrə qədər olan (100 kubmetr daxil olmaqla) mövcud və ya inşa ediləcək tikinti obyektinin su təchizatı şəbəkəsinə qoşulması üçün texniki şərtlərin, layihə sənədlərinin hazırlanması və tikinti-quraşdırma işləri sifarişçinin ödənişi…

Azərbaycan Respublikası Dövlət Neft Fondunun (ARDNF) kommunikasiya strategiyasına uyğun olaraq, media qurumları ilə peşəkar əməkdaşlığın gücləndirilməsi, iqtisadi sahədə fəaliyyət göstərən media nümayəndələrinin peşəkarlıq səviyyəsinin, eləcə də, onların iqtisadi-maliyyə, o cümlədən investisiya sahəsində biliklərinin artırılması məqsədilə 27-28 iyun tarixlərində ARDNF-də “Suveren Fondların investisiya fəaliyyəti” mövzusunda təlim keçirilib. GDP xəbər verir ki, ARDNF-nin İcraçı direktorunun müavini, Bəhruz Bəhramov təlim iştirakçılarını salamlayaraq bildirib ki, media ilə əməkdaşlığın daha da möhkəmləndirilməsi və media mənsublarının maarifləndirilməsi bizim ictimaiyyətə kommunikasiya etdiyimiz mesajların düzgün formada çatdırılması və aşılanmasında mühüm əhəmiyyətə malikdir. Təlim iştirakçılarına ARDNF-nin yüksək ixtisaslı əməkdaşları tərəfindən Suveren Sərvət Fondlarının yaranma məqsədləri, missiyası, investisiya istiqamətləri, portfel…

Ölkənin aparıcı korporativ maliyyə institutu “PAŞA Bank” və tərəfdaşı “PMD Projects” MMC tərəfindən tikinti və təmir sektorunda fəaliyyət göstərən tədarukçülərə ödəniş və təchizat imkanlarının araşdırılması, alternativ hesab ödəniş modelləri ilə tanışlıq və faktorinq məhsulunun istifadəsi, həmçinin faydaları barədə məlumat vermək məqsədilə keçiriləcək Faktorinq Forumuna qeydiyyatı açıq elan edir. “PAŞA Bank” və “PMD Projects” MMC ilə əməkdaşlıq etməklə, iştirakçılar faktorinq məhsulu vasitəsilə maliyyə əməliyyatlarının nizamlanması, ödəniş dövriyyələrinin azaldılması və gecikdirilmiş ödənişlərlə bağlı risklərin aradan qaldırılmasına dair ətraflı məlumat əldə edəcəklər. Tədbir çərcivəsində, növbəti dövrdə birgə iş imkanları, işgüzar əlaqələr və əməkdaşlıq istiqamətləri müəyyənləşdiriləcək. İlk növbədə tikinti sahəsində 2 ildən çox fəaliyyət…

11 iyun 2024-cü il tarixində “PAŞA Kapital İnvestisiya Şirkəti” QSC-nin anderrayteri olduğu “Kapital Bank” ASC-nin istiqrazları abunə yazılışı üsulu ilə birjaya yerləşdirilib. Qiymətli kağızların buraxılış həcmi 30 000 000 ABŞ dolları təşkil edir. GDP xəbər verir ki, hüquqi şəxslər tərəfindən verilmiş sifarişlərin həcmi 18,397,000  dollar (61%), fiziki şəxslər tərəfindən verilmiş sifarişlərin həcmi isə 11,603,000 dollar (39%) olub. Gəlirliliyi 7% olan qiymətli kağızların hər birinin nominal dəyəri isə 100 ABŞ dollarıdır. 32 investor tərəfindən 30 000 000 ABŞ dolları dəyərində reallaşdırılmış istiqrazlar üzrə ödəmə 24.06.2031 tarixində baş tutacaq. Dollarda rəqabətli gəlirlilik təklif edən “Kapital Bank” istiqrazlarını əldə etmək istəyən investorlar “PAŞA…

“Bakı Fond Birjası” QSC səhm bazarının təşviqi ilə bağlı qərar qəbul edib. GDP xəbər verir ki, “Bakı Fond Birjası” QSC-nin İdarə Heyətinin qərarına əsasən Səhm bazarının təşviq edilməsi məqsədi ilə ilk dəfə səhm buraxılışı edib listinqə alınan şirkətlər 1 iyul 2024-cü il tarixindən 31 dekabr 2024-cü il tarixinə qədər listinq haqqından azad edilir.

Prezident İlham Əliyev altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında Sərəncam imzalayıb. GDP xəbər verir ki, Sərəncama əsasən, altıncı çağırış Azərbaycan Respublikasının Milli Məclisi buraxılıb. Azərbaycan Respublikasının Milli Məclisinə növbədənkənar seçkilər 2024-cü il sentyabrın 1-nə təyin edilib.

Azərbaycanda ödəmə qabiliyyətini itirmiş investisiya şirkətlərində investorların pul vəsaitlərinin və maliyyə alətlərinin itirilməsi riski sığortalanacaq. Azərbaycan Mərkəzi Bankından (AMB) verilən məlumata əsasən, bu, “Əmanətlərin sığortalanması haqqında” qanuna investisiya şirkətləri üzrə yatırımların sığortalanması ilə bağlı dəyişiklik layihəsində öz əksini tapıb. “Layihədə kompensasiya hadisəsi, sığortalanan investisiyaların əhatə dairəsi, müvafiq kompensasiya fondunun yaradılması, investisiya şirkətlərinin üzvlüyə qəbul edilməsi, fonda üzvlük haqlarının ödənilməsi və kompensasiyaların verilməsinə dair müddəalar müəyyən edilib. Hazırda layihənin aidiyyəti dövlət qurumları ilə müzakirəsi davam etdirilir və yaxın vaxtlarda tamamlanması gözlənilir”, – AMB qeyd edir. Bildirilir ki, investisiyaların sığortalanması mexanizmi Mərkəzi Bank və Əmanətlərin Sığortalanması Fondu (ƏSF) tərəfindən birgə hazırlanaraq, ƏSF tərəfindən…

Azərbaycanın Milli Depozit Mərkəzi (MDM) “Kağızsız hökumət”ə keçid çərçivəsində “ASAN İnnovasiyalar Mərkəzi”nin texniki dəstəyi ilə Mərkəzləşdirilmiş Elektron Sənəd Dövriyyəsi (MESD) sisteminə inteqrasiya olunub. MESD sisteminə qoşulma digər dövlət qurumları ilə səmərəli kommunikasiyanın qurulmasına və müasir texnoloji həllərin tətbiqinə yönəlib. Bu, həmçinin “MDM-in 2024-2026-cı illər üzrə İnkişaf Strategiyası”na uyğun olaraq kargüzarlıq sisteminin təkmilləşdirilməsini və yenilənməsini mümkün edəcək, sənəd dövriyyəsinin daha sürətli və səmərəli olmasına, məlumatların təhlükəsizliyini təmin etmək üçün qabaqcıl şifrələmə texnologiyalarından istifadə edilməsinə imkan yaradacaq. Kağız əsaslı əməliyyatların azaldılması nəticəsində əməliyyat vaxtı və xərcləri əhəmiyyətli dərəcədə azalacaq.