Azərbaycanın aparıcı mobil operatorlarından biri olan Azercell, fakturasız (SimSim) xətt istifadəçiləri üçün yeni aylıq abunə haqqı müəyyənləşdirib.
GDP xəbər verir ki, 25 fevral 2024-cü ildən etibarən “Azercellim”, “Bölgə”, “GəncSim”, “Hər Yerə” və “Bizimkilər” tarif paketlərində abunəçilər hər ay 2 AZN ödəməli olacaqlar.
Bundan əlavə, digər dəyişikliklər də qüvvəyə minəcək:
- Fakturasız xətt istifadəçiləri “Azercellim”, “Bölgə” və “GəncSim” tarif paketlərinə keçid edərkən 4 AZN xidmət haqqı ödəyəcəklər.
- Fakturasız və fakturalı xətt sisteminə aid nömrələrin 6 aydan çox olmayan müddətə ikitərəfli bağlanmasına görə 20 AZN xidmət haqqı tətbiq ediləcək.
Bu dəyişikliklər Azercell abunəçiləri üçün əlavə xərclər yaradacaq və mobil rabitə xidmətlərində qiymət artımına səbəb olacaq.