Cari ilin ilk 6 ayında Azərbaycana daxil olan pul baratlarının həcmi ötən ilin müvafiq dövrü ilə müqayisədə 40% artıb.
GDP xəbər verir ki, bunu Azərbaycan Mərkəzi Bankında keçirilən brifinqdə qurumun Statistika departamentinin direktoru Samir Nəsirov deyib.
Onun sözlərinə görə, bu dövrdə ölkəyə təxminən 748 milyon ABŞ dolları həcmində pul baratı daxil olub.
Ölkədən xaricə göndərilən pul baratlarının həcmi isə 207 milyon dollar təşkil edib. Bu göstərici illik müqayisədə təxminən 13% azalıb.
Beləliklə, hesabat dövründə Azərbaycana xalis olaraq təxminən 540 milyon dollar pul baratı daxil olub.
Samir Nəsirov qeyd edib ki, Azərbaycana daxil olan pul baratlarının həcminə görə ilk beşlikdə Rusiya, Türkiyə, ABŞ, Almaniya və Gürcüstan yer alıb.
Müəllif:Aynur Qəniyeva