2025-ci ilin 01 yanvar tarixinə Azərbaycan Respublikasının xarici dövlət borcunun 5214,4 milyon ABŞ dolları, daxili dövlət borcunun isə 19310,8 milyon manat olmaqla ümumi dövlət borcunun 28175,2 milyon manat təşkil edəcəyi gözlənilir.
GDP xəbər verir ki, bu barədə Maliyyə Nazirliyinin ilin sonuna olan gözləntiləri ilə bağlı arayışında məlumat verilib.
Bildirilir ki, 2025-ci ilin 01 yanvar tarixinə xarici dövlət borcunun 49,1 %-inin 5 ilədək, 44,7 faizinin 5-10 il ərzində, 6,2 faizinin isə 10 ildən artıq müddətə kreditorlara ödənilməsi gözlənilir.
Xarici dövlət borcu üzrə yeni cəlb olunacaq borc öhdəliklərinin 10 ilədək müddətə təqribən müvafiq istinad dərəcəsi üstəgəl 0,8 faiz dərəcəsi ilə, 10-20 illik müvafiq istinad dərəcəsi üstəgəl 1,0 faiz dərəcəsi ilə, 20 ildən artıq müddətə isə müvafiq istinad dərəcəsi üstəgəl 1,2 faiz dərəcəsi ilə cəlb olunması nəzərdə tutulur.