“Cəbrayıl, Qubadlı və Zəngilan Rayonlarında Bərpa, Tikinti və İdarəetmə Xidməti” publik hüquqi şəxsinin (PHŞ) dövlət büdcəsindən ayrılan vəsaitlərin və dövlət əmlakının istifadəsi və idarə edilməsinə dair audit hesabatı 2021-2023-cü illər və 2024-cü ilin ilk rübünü əhatə edir.
GDP Hesablama Palatasına istinadən xəbər verir ki, audit zamanı 156,6 milyon manat dəyərində vəsait və əmlak yoxlanılıb.
“Zəngilan şəhərində yerləşən yaşayış məhəlləsinin tikintisi işləri” obyektində 12 yaşayış evi üzrə işlərin dəyərinin azaldılması hesabına 104.608 manat qənaət əldə edilib. 2023-cü ildə 2021-ci illə müqayisədə ölkədən ixrac edilən məhsullarda uyğunsuzluqlar üzrə bildirişlər 35% azalıb.
Zoonoz xəstəliklərdən qarayara xəstəliyi istisna olmaqla, digər xəstəliklər üzrə azalma müşahidə edilib.
2023-cü ilin sonuna qalıqda qalmış 627.058,6 manat vəsaitin dövlət öhdəliklərinin icrası üçün 2024-cü ilə keçirilməsi təmin edilməyib. Bu, büdcə vəsaitlərinin effektiv idarə edilməməsini göstərir. “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində 13 tədbir üzrə işlər qismən yerinə yetirilib. 44 indikator üzrə işlərə başlanma tapşırığı 2023-cü ilin sonunadək tamamlanmayıb.
“Zəngilan şəhərində yerləşən yaşayış məhəlləsinin tikintisi işləri” obyektində smeta və müqaviləyə artıq iş həcmləri daxil edilib, bu da müqavilə dəyərinin 146.942,89 manat artmasına səbəb olub.
“Cəbrayıl rayonu Horovlu kənd yaşayış məntəqəsində qeyri-yaşayış obyektlərinin tikintisi” və “Cəbrayıl rayonu Horovlu kənd yaşayış məntəqəsində 2, 3, 4 və 5 otaqlı fərdi yaşayış evlərinin tikintisi” obyektlərində smeta və müqaviləyə layihədəki həcmlərdən artıq həcmlər daxil edilib, bu da müqavilə dəyərinin 996 min 46 manat 52 manat artması ilə nəticələnib.
2022-ci ildə dövlət sifarişli öhdəliklərin icrası üçün maliyyələşdirilmiş vəsaitin istifadəsində bir mənbədən satınalma metodu tətbiq edilib. Bu, rəqabət mühitinin pozulmasına səbəb olub. “3 ədəd müvəqqəti yaşayış şəhərciyinin tikintisi və quraşdırılması” üçün keçirilmiş satınalmada ehtimal olunan qiymət müəyyənləşdirilmədən tenderə çıxarılıb, bu da müqavilə dəyərinin 502 min 270 manat 36 qəpik artması ilə nəticələnib.
Zəngilan rayonu Ağalı kəndində işləyən mütəxəssislərə əmək haqqı ödənişlərində qanunvericiliyin tələblərinə uyğun olmayan əlavələr ödənilib. Bu, 137.258,71 manat artıq ödənişlə nəticələnib. Xidmətin balansında olan nəqliyyat vasitələri üzrə 1.907,21 manat dəyərində əsassız yanacaq silgisi edilib.
Auditi icra etmiş Hesablama Palatası tərəfindən “Cəbrayıl, Qubadlı və Zəngilan Rayonlarında Bərpa, Tikinti və İdarəetmə Xidməti” publik hüquqi şəxsə qalıqda qalmış 627.058,6 manat vəsaitin dövlət öhdəliklərinin icrası üçün 2024-cü ilə keçirilməsi. Layihə-smeta sənədlərinin yenidən ekspertizadan keçirilməsi və müqavilə dəyərlərinin azaldılması. Rəqabət mühitinin yaradılması üçün müsabiqəli satınalmaların keçirilməsi. Avans ödənişləri üzrə qanunvericiliyin tələblərinə ciddi riayət edilməsi. Nəqliyyat vasitələrinin təyinatı üzrə istifadəsində risklərin aradan qaldırılması. Ehtiyatlar və aktivlər üzrə uçotun şəffaflığının təmin edilməsi. Qida mənşəli xəstəliklər üzrə təhlillərin aparılması və məlumat bazasının yaradılması tövsiyyə edilib.
Audit hesabatı, dövlət vəsaitlərinin və əmlakının idarə edilməsində müsbət nəticələrlə yanaşı, ciddi nöqsanları da aşkar edib. Bu nöqsanların aradan qaldırılması üçün təklif və tövsiyələr irəli sürülüb. Hesabat, qida təhlükəsizliyi və tikinti sahəsində daha effektiv idarəetmə mexanizmlərinin yaradılmasının zəruriliyini bir daha təsdiq edir