Eynar Abdullayev “ePoint” şirkətinin baş icraçı direktoru (CEO) vəzifəsinə təyin olunub.
GDP xəbər verir ki, E.Abdullayev bu barədə “LinkedIn” hesabında məlumat verib.
O bildirib ki, “GoldenPay” ASC-yə rəhbərlik etdiyi dövrü başa vuraraq “ePoint”də fəaliyyətə başlayıb. Bununla yanaşı, “GoldenPay”də Müşahidə Şurasının üzvü kimi fəaliyyətini davam etdirəcək.
Qeyd edək ki, Eynar Abdullayev əmək fəaliyyətinə 2013-cü ilin dekabrında Böyük Britaniyada “Global Conferences” şirkətində satış nümayəndəsi kimi başlayıb və 2014-cü ilin may ayınadək bu vəzifədə çalışıb.
2014-cü ilin iyulunda “Azercell Telecom” MMC-də kiçik mütəxəssis kimi fəaliyyətə başlayıb. 2015-ci ilin aprelindən 2016-cı ilin iyununadək CRM və müştərilərin saxlanılması üzrə mütəxəssis (CRM & Retention Specialist), 2016-cı ilin iyunundan 2017-ci ilin aprelinədək məhsul marketinqi üzrə baş mütəxəssis (Product Marketing Senior Specialist) vəzifələrində çalışıb.
Daha sonra “Azercell Telecom”da Məhsul Marketinqi Bölməsinin rəhbəri (Product Marketing Unit Head) olub. “LinkedIn” profilində onun şirkətdə Məhsulların İdarə Edilməsi üzrə rəhbər (Head of Product Management) vəzifəsində də çalışdığı göstərilir.
2018–2019-cu illərdə “Azerfon”da Məhsulların İdarə Edilməsi üzrə direktor (Director of Product Management) vəzifəsini tutub.
Sonrakı dövrdə 2020-ci ilin oktyabrından 2021-ci ilin avqustunadək marketinq meneceri, 2021-ci ilin sentyabrından 2022-ci ilin dekabrınadək isə Marketinq və Məhsullar Departamentinin direktoru (Director of Marketing and Product Department) kimi fəaliyyət göstərib.
E.Abdullayev 2024-cü ilin sentyabrından Azərbaycan Fintex Assosiasiyasının (AzFina) İcraiyyə Şurasının üzvü olub. 2025-ci ilin oktyabrından isə Assosiasiyanın İcraiyyə Şurası sədrinin müavini kimi fəaliyyət göstərir.
Profilində, həmçinin 2024-cü ildən “TurkFIN Association”da İdarə Heyətinin üzvü olduğu göstərilir.
E.Abdullayev “GoldenPay” ASC-yə rəhbərlik etdikdən sonra “ePoint”in baş icraçı direktoru vəzifəsinə keçib. O, yeni vəzifəsi ilə paralel olaraq Azərbaycan Fintex Assosiasiyasındakı fəaliyyətini və “GoldenPay”də Müşahidə Şurasının üzvü kimi əməkdaşlığını davam etdirəcəyini bildirib.