İpoteka və Kredit Zəmanət Fondu 2025-ci ilin yanvar-sentyabr ayları ərzində 2024-cü ilin eyni dövrü ilə müqayisədə ümumi ipoteka kreditlərinin həcmi 3,2% azalıb və 365,6 milyon manatdan 354 milyon manata düşüb.
GDP xəbər verir ki, verilən kreditlərin orta məbləği əhəmiyyətli dərəcədə artıb. 2024-cü ildə bu məbləğ 94 683 manat idisə, 2025-ci ildə 104 800 manata yüksəlib ki, bu da 10,7%-lik bir artım deməkdir. Bu artım daşınmaz əmlak qiymətlərinin yüksəlməsi və daha bahalı mənzillərə olan tələbin artması ilə əlaqədardır.
Güzəştli ipoteka kreditlərində isə dəyişikliklər daha sabit olub. Güzəştli kreditlərin həcmi 3,8% artaraq 66,5 milyon manatdan 69 milyon manata yüksəlib. Həmçinin, güzəştli ipoteka ilə mənzil şəraiti yaxşılaşdırılan ailələrin sayı 3,3% azalıb, yəni 844 ailə əvəzinə 816 ailə bu kreditlə faydalana bilib.
Hesabat dövründə bununla yanaşı, adi ipoteka kreditlərinin verilməsində də azalma baş verib və 3 017 ailə yerinə yalnız 2 565 ailə mənzil şəraitini yaxşılaşdıra bilib ki, bu da 15%-lik bir azalma deməkdir.
Ümumilikdə, adi və güzəştli ipoteka kreditləri ilə mənzil şəraiti yaxşılaşdırılan ailələrin sayı 12,4% azalıb, belə ki, 2024-cü ilin eyni dövründə 3 861 ailə mənzil şəraiti yaxşılaşdırıbsa, 2025-ci ilin eyni dövründə bu rəqəm yalnız 3 381 olub.
Zəmanət proqramına gəlincə, bu sahədə sürətli inkişaf müşahidə olunub. Zəmanət verilən kreditlərin məbləği 42,1%, kredit sayı isə 32,1% artıb. Beləliklə, zəmanət proqramı çərçivəsində daha çox insan aşağı ilkin ödənişlə kredit əldə edə bilib.
2025-ci ilin yanvar-sentyabrında 2024-cü ilin eyni dövrü ilə müqayisədə dəyişikliklər:
| Göstəricilər | 2024 (9 ay) | 2025 (9 ay) | Dəyişiklik (Rəqəmlə) | Dəyişiklik (Faizlə) |
|---|---|---|---|---|
| Ümumi ipoteka kreditləri | 365,6 mln. manat | 354 mln. manat | 11,6 mln. manat AZALMA | -3,2% |
| Güzəştli ipoteka kreditləri | 66,5 mln. manat | 69 mln. manat | 2,5 mln. manat ARTIM | +3,8% |
| Adi ipoteka ilə mənzil şəraiti yaxşılaşdırılan ailə | 3 017 ailə | 2 565 ailə | 452 ailə AZALMA | -15,0% |
| Güzəştli ipoteka ilə mənzil şəraiti yaxşılaşdırılan ailə | 844 ailə | 816 ailə | 28 ailə AZALMA | -3,3% |
| Mənzil şəraiti yaxşılaşdırılan ailəyaxşılaşan ailə sayı cəmi (Adi + Güzəştli) | 3 861 ailə | 3 381 ailə | 480 ailə AZALMA | -12,4% |
| Kreditlərin orta məbləği | 94 683 manat | 104 800 manat | 10 117 manat ARTIM | +10,7% |
| Verilən zəmanət məbləği | 92,9 mln. manat | 132 mln. manat | 39,1 mln. manat ARTIM | +42,1% |
| Zəmanət verilən kredit sayı | 1 077 kredit | 1 423 kredit | 346 kredit ARTIM | +32,1% |
Müəllif: Aynur Qəniyeva