Ölkənin aparıcı maliyyə və təhsil qurumlarının dəstəyi ilə 13-15 yaş arası şagirdlər üçün “Maliyyə Savadlılığı Viktorinası” təşkil olunur. Tədbir məktəblilərin pul, büdcə, qənaət və investisiya kimi maliyyə anlayışlarına aid biliklərini sınayacaq.
Viktorina Azərbaycan Respublikasının Mərkəzi Bankı, Elm və Təhsil Nazirliyi, Azərbaycan Banklar Assosiasiyası (ABA) və Azərbaycan Bank və Maliyyə Tədris Mərkəzinin (ABFTC) təşkilati dəstəyi, həmçinin ölkə banklarının tərəfdaşlığı ilə həyata keçirilir.
Yarış üç mərhələdən ibarət olacaq:
-
İlkin seçim mərhələsi (7 noyabr 2025): “Google Forms” vasitəsilə qeydiyyat və suallara cavab. Nəticədə 100 nəfər yarımfinala vəsiqə qazanacaq.
-
Yarımfinal (27 noyabr 2025): “Zoom” və “Kahoot!” platformaları üzərindən onlayn keçiriləcək və 20 nəfər finalçı müəyyən ediləcək.
-
Final (11 dekabr 2025): Bakı şəhərində üzbəüz formatda baş tutacaq. Finalda ilk üç yeri tutanlar dəyərli hədiyyələrlə mükafatlandırılacaq, digər iştirakçılara isə xatirə hədiyyələri veriləcək.
Viktorinada iştirak etmək istəyən şagirdlərin doğum tarixi 8 noyabr 2009-cu il ilə 7 noyabr 2012-ci il (hər iki tarix daxil olmaqla) arasında olmalıdır.
Qeydiyyat 21 noyabr 2025-ci il saat 18:00-dək davam edəcək.
İştirakçılar https://forms.gle/4cucefkuCtEkyLNV6 linki vasitəsilə qeydiyyatdan keçə, sualları cavablandıra və şəxsiyyətini təsdiq edən sənədin skanını (şəxsiyyət vəsiqəsi və ya doğum haqqında şəhadətnamə) təqdim etməlidirlər. Təşkilatçılar qeydiyyatdan əvvəl lazımi sənədlərin hazırlanmasını tövsiyə edir.
Əlavə olaraq:
Tədbirin təşkilatçılarından biri olan Azərbaycan Bank və Maliyyə Tədris Mərkəzi (ABFTC) 2000-ci ildə Avropa İttifaqının təşəbbüsü ilə yaradılıb. Mərkəz indiyə qədər 250-yə yaxın mövzuda 38 mindən çox dinləyiciyə 2600-dən artıq təlim kursu təşkil edib.