2025-ci ilin mart ayı üzrə Azərbaycan Respublikasının Mərkəzi Bankına daxil olan müraciətlərin statistikasına görə, ən çox müraciət edilən sahələr ödəniş sistemləri və kredit təşkilatları olub.
GDP hesabata əsasən xəbər verir ki, Mərkəzi Banka 2930 zəng, 1258 yazılı müraciət və 99 vətəndaş qəbulu ilə bağlı müraciət daxil olub.
Ödəniş sistemləri üzrə 572 müraciət, kredit təşkilatları üzrə isə 891 müraciət qeydə alınıb. Həmçinin, valyuta mübadiləsi məntəqələri üzrə 194 müraciət daxil olub. Sığortaçılar və kapital bazarları ilə bağlı müraciətlər isə nisbətən az olub – sırasıyla 15 və 38 müraciət.
WhatsApp üzərindən qeydiyyata alınmış müraciətlərin sayı isə 118 olub. Mərkəzi Bankın rəsmi cavab məktublarının alınması ilə bağlı 16 müraciət qeydə alınıb. Ayrıca, nəzarət subyekti ilə əlaqə saxlanılmasında yaranan çətinliklər və digər məsələlər də hesabatda yer alıb.