Əmək Bazarı və Sosial Müdafiə Məsələləri üzrə Milli Observatoriyanın 2024-cü ildə xalis zərəri əvvəlki ilə nisbətən 683,576 manat artaraq 3,762,069 manat-ə çatıb. Bu artım, əvvəlki ilə müqayisədə 22.2%yüksəlmişdir.
Əmək Bazarı və Sosial Müdafiə Məsələləri üzrə Milli Observatoriyanın 2024-cü ildə xalis zərərinin artımının əsas səbəbi, gəlirlərin artmasına baxmayaraq, əməliyyat xərclərinin kəskin şəkildə artmasıdır. 2023-cü ildə xidmət gəlirləri 2,400 manat, 2024-cü ildə isə 13,100 manat-a yüksəlib, bu da 445.8% artımı göstərir. Lakin, bu artım xərclərdəki artımın qarşısını ala bilməyib. 2023-cü ildə ümumi əməliyyat xərcləri 3,080,247 manat, 2024-cü ildə isə 3,773,350 manata yüksələrək 22.5% artıb. Nəticədə, hər 1 manat gəlir artımına qarşı təşkilat təxminən 65 manat əməliyyat xərci artımı yaşamışdır.
Bu nəticə göstərir ki, gəlir artımı əməliyyat xərclərinin artışı ilə balanslaşdırılmayıb, nəticədə təşkilatın maliyyə vəziyyəti zəifləmişdir.
Əmək Bazarı və Sosial Müdafiə Məsələləri üzrə Milli Observatoriyanın xalis zərərinin artmasında əsas rol oynayan xərc maddələrində ciddi artım müşahidə olunub. Ən böyük artım əmək haqqı xərcləri üzrə qeydə alınmışdır. 2023-cü ildə əmək haqqı xərcləri 2,554,633 manat olduğu halda, 2024-cü ildə bu məbləğ 332,412 manat artaraq 2,887,045 manata çatmışdır. Bu artım 13% təşkil edir və ümumi xərc artımının yarısına yaxındır. Bu artım, kadr sayının və ya əməkhaqqı fondunun artırılmasına işarə edə bilər.
Bundan başqa, 2024-cü ildə Əmək Bazarı və Sosial Müdafiə Məsələləri üzrə Milli Observatoriyanın icarə xərcləri də 68.1% artaraq 347,814 manatdan 584,485 manata yüksəlmişdir. Bu artım təşkilatın ofis sahələrinin və digər əmlakların genişlənməsi ilə bağlı ola bilər. Amortizasiya xərcləri isə 81.4% artaraq 57,796 manat-dan 104,810 manat-a yüksəlmişdir ki, bu da təşkilatın yeni avadanlıqlar və infrastruktur alımlarını göstərir. İnzibati xərclər də 64.2% artaraq 120,004 manat-dan 197,010 manat-a çıxmışdır.
Vergi xərcləri isə 646 manat-dan 1,891 manat-a yüksələrək 192.7% artmışdır. Lakin bu artım, birbaşa təsir göstərən amillərdən deyil, ümumi vergilərin artması ilə əlaqədardır.
Xalis zərərin digər maliyyə göstəricilərinə təsiri
Əmək Bazarı və Sosial Müdafiə Məsələləri üzrə Milli Observatoriyanın ötən il ərzində xalis zərərinin artması, təşkilatın maliyyə sağlamlığını da mənfi təsir edib. Ümumi aktivlər 419,765 manat və ya 13.9% azalıb. Xüsusilə, pul vəsaitləri 607,423 manat və ya 51.1% azalıb. Bu, zərərli fəaliyyətlərin və investisiyaların maliyyələşdirilməsi üçün nağd pul ehtiyatının tükənməsini göstərir. Ümumi kapital da 418,538 manat azalarak, 13.9%düşüb. Davamlı zərərlər, “Bölüşdürülməmiş Mənfəət/Zərər” hesabını mənfi təsir edir və kapitalın azalmasına səbəb olur.
Həmçinin, əməliyyat pul axını mənfi olaraq 3,636,104 manat-ə düşüb. Bu, təşkilatın öz əsas fəaliyyətindən heç bir nağd pul gəliri əldə etmədiyini göstərir. Nəticə etibarilə, təşkilat özünü saxlamaq üçün tamamilə dövlət dəstəyindən(3,343,531 manat) asılıdır, amma bu vəsait də yəni dövlət dəstəyi də 2024-cü ildə 4.5% azalıb.
Müəllif: Aynur Qəniyeva