Azərbaycan Respublikası Milli Davamlı İnkişaq Fondu (ARDNF) dünyanın aparıcı investisiya qurumlarından biri olan, 75 ildən artıq təcrübəyə və 1,64 trilyon ABŞ dolları həcmində idarə olunan aktiv portfelinə malik “Franklin Templeton” ilə əməkdaşlığı çərçivəsində investisiya üzrə xüsusi təhsil proqramına start verib.
GDP xəbər verir ki, Fondun insan kapitalını əsas sərvət hesab etdiyini vurğulayan ARDNF, hazırkı bacarıqların möhkəmləndirilməsi və gələcək tələblərə uyğun hazırlıqlı olmaq üçün bu cür təşəbbüslərin əhəmiyyətini qeyd edir.
Təqdim olunan proqram, ARDNF-nin gələcəyə dair strateji baxışı ilə “Franklin Templeton”un qlobal investisiya təcrübəsini birləşdirir. Proqram seçilmiş əməkdaşlara aparıcı mütəxəssislərdən bilik almaq, peşəkar bacarıqlarını artırmaq və maliyyə sahəsində davamlı təsir göstərmək imkanı yaradır.
Bu təşəbbüs təkcə təlim məqsədi daşımır, həm də “Franklin Templeton” ilə strateji tərəfdaşlıqda mühüm bir mərhələ sayılır. Əməkdaşlıq ARDNF-nin beynəlxalq səviyyədə məsuliyyətli suveren sərvət fondu kimi mövqeyini daha da gücləndirir.