Türk Dövlətləri Təşkilatına (TDT) üzv və müşahidəçi dövlətlərin ümumi iqtisadi potensialı əhəmiyyətli miqyasdadır.
GDP xəbər verir ki, bunu TDT-nin Baş katibi Kubanıçbek Omuralıyev deyib.
O bildirib ki, təqdim olunan hesabatın məlumatlarına əsasən, 2023-cü ilin sonuna TDT-yə üzv və müşahidəçi dövlətlərin ümumi ÜDM-i təxminən 1,7 trilyon ABŞ dolları təşkil edib.
Baş katibin sözlərinə görə, həmin ölkələrin məcmu ticarət dövriyyəsi 1,27 trilyon ABŞ dollarına çatıb, ümumi əhalisi isə 180 milyon nəfəri ötüb.
K.Omuralıyev qeyd edib ki, bu göstəricilər Türk dövlətlərinin birgə iqtisadi potensialının miqyasını nümayiş etdirir.