Euromoney nəşri tərəfindən “Azərbaycanın ən yaxşı KOS bankı” mükafatına layiq görüldük! Mükafatın əldə olunmasına səbəb olan mühüm məqamları sizinlə bölüşmək istərdim.
GDP xəbər verir ki, bunu “PAŞA Bank”ın İdarə Heyətinin sədri Cavid Quliyev bankın Euromoney nəşri tərəfindən “Azərbaycanın ən yaxşı KOS bankı” mükafatına layiq görülməsi barədə deyib.
O bildirib: “İl ərzində bank KOS müştərilərinin dövriyyə ehtiyaclarının qarşılanması üçün rəqəmsal platformalar vasitəsilə 100 mln. AZN-dən çox girovsuz maliyyə vəsaiti ayırmışdır. Bundan əlavə ölkədə təchizat zəncirinin maliyyələşməsi istiqamətində ənənəvi təhlillərə ehtiyac olmadan rəqəmsal kanallarla faktorinq məhsulu müştərilərə təqdim edilib.”
Cavid Quliyev əlavə edib kii,ticarət maliyyələşdirilməsi portfelindən əldə etdiyimiz artım 26% təşkil edir. 2023-cü ildə KOS müştərilərinin hesablarının açılması tamamilə rəqəmsal kanallar vasitəsilə aparılıb.” Həmçinin, KOS müştərilərinə rəqəmsal biznes kart məhsulu təqdim olunmuşdur. Nağdsız ödənişlərin stimullaşdırılması istiqamətində atılan mühüm addımlardan biri isə POS-terminal məhsulunun təşviqatı olub.”
PASHA Bank rəhbərinin sözlərinə görə bunun nəticəsində qeyd olunan məhsul üzrə dövriyyənin 44% artımına nail olunub. “Həmçinin, əməkhaqqı fondunda 15%, cari hesablar üzrə isə gündəlik ortalama qalıqların məbləği 22% artım göstərmişdir. Bütün göstəricilər 2022-ci ilin nəticələri ilə müqayisədə qeyd olunub.”
Cavid Quliyev qeyd edib: “Düşünürəm ki, bu uğurumuzla biz qeyri-neft sektoru ilə yanaşı, xüsusilə kiçik və orta bizneslərin inkişafına verdiyimiz töhfəni nümayiş etdiririk.”