2024-cü ilin yanvar noyabr aylarında sığorta haqları 1,173.933 min manat, sığorta ödənişləri isə 518.612 min manat təşkil edib.
GDP Mərkəzi banka istinadən 2023-cü il ilə müqayisədə sığorta haqlarında 65.699 min manat və ya 5.93% və sığorta ödənişlərində 21.146 min manat və ya 4.25% artım qeydə alınıb.
Ayrı-ayrı şirkətlər üzrə təhlil aparıldıqda, əksər sığorta şirkətlərində həm sığorta haqlarında, həm də ödənişlərdə artım qeydə alınıb. Məsələn, “A-Qroup Sığorta Şirkəti” 2023-cü illə müqayisədə sığorta haqlarını 1.895 min manat və ya 9.85%, ödənişlərini isə 2.400 min manat və ya 18.55% artırıb. “AtaSığorta” sığorta haqlarında 0.693 min manat və ya 7.75% və ödənişlərdə 0.314 min manat və ya 10.84% artıma nail olub.
“Atəşgah Həyat” sığorta haqlarında 9.174 min manat və ya 14.70%, ödənişlərdə isə 2.209 min manat və ya 9.41% artım əldə edib. “Atəşgah Sığorta Şirkəti” sığorta haqlarını 5.749 min manat və ya 14.70%, ödənişlərini isə 1.312 min manat və ya 8.57% artırıb.
Azərbaycan Sənaye Sığorta Şirkəti üzrə sığorta haqları 2.294 min manat və ya 13%, ödənişlər isə 0.760 min manat və ya 2.41% artıb.
Lider mövqedə olan “Paşa Həyat Sığorta” və “Paşa Sığorta” şirkətləri 2024-cü ildə də əhəmiyyətli artımlar nümayiş etdirib. “Paşa Həyat Sığorta” sığorta haqlarını 43.677 min manat və ya 9.22%, ödənişlərini isə 20.818 min manat və ya 8.49% artırıb. Eyni zamanda, “Paşa Sığorta” sığorta haqları 27.596 min manat və ya 10.39% və ödənişlər 54.486 min manat və ya 60.87% artıb. Ödənişlər üzrə ən yüksək artım məhz bu şirkətə məxsus olub.
Digər diqqətəlayiq nəticələrdən biri “Qala Sığorta” və “Xalq Sığorta” şirkətlərində qeydə alınıb. “Qala Sığorta” sığorta haqlarını 10.726 min manat və ya 20.00%, ödənişlərini isə 0.706 min manat və ya 7.92% artırıb. “Xalq Sığorta” üzrə sığorta haqlarında 4.000 min manat və ya 19.93% və ödənişlərdə 1.107 min manat və ya 5.28% artım baş verib.
Bununla yanaşı, “Meqa Həyat Sığorta” şirkəti 2023-cü il ilə müqayisədə sığorta haqlarını 0.450 min manat və ya 10.22% artırıb, lakin ödənişlərdə dəyişiklik olmayıb. “İpək Yolu Sığorta” isə ən aşağı artımı nümayiş etdirib. Sığorta haqları üzrə artım 0.482 min manat və ya 3.01%, ödənişlər üzrə isə cüzi artım – cəmi 0.004 min manat və ya 0.65% olub.