SOCAR-ın 2023-cü ildə Petkim kompleksinin fəaliyyətinin optimallaşdırılmasına sərmayələri təqribən 100 milyon dollar təşkil edib.
GDP xəbər verir ki, SOCAR-ın 2023-cü ildə Türkiyənin “Petkim Petrokimya Holding” neft-kimya kompleksinin inkişafına yatırdığı investisiyalar 3,2 milyard türk lirəsi (indiki məzənnə ilə 99,2 milyon dollar) olub.
“Petkim Petrokimya Holding”in 2023-cü ildə fəaliyyətinin yekunlarına dair illik hesabatında verilən məlumatda bildirilir ki, 2022-ci ildə kompleksin inkişafına qoyulan investisiyaların 4 milyard 108 milyon türk lirəsi təşkil etdiyini nəzərə alsaq, ötən ilin yekunlarına görə onların həcmi 22,1% azalıb.
Hesabata görə, 2023-cü ildə “Petkim”in istehsal həcmi 2,3 milyon ton (artım 4,5%) təşkil edib. Hesabat dövründə holdinq 1,88 milyon ton neft-kimya məhsulları satıb (azalma 2,6%). “Petkim”in Türkiyə neft-kimya bazarındakı payı ötən il 12% təşkil edib. Kompleksin istehsal gücündən istifadə əmsalı 2022-ci ildəki 63,9 faizə qarşı 2023-cü ildə 66,1 faiz təşkil edib.
SOCAR Turkey Enerji (SOCAR-ın Türkiyədəki törəmə şirkəti) Petkim Petrokimya Holding neft-kimya kompleksində nəzarət səhm paketinin 51%-inin sahibidir.
Qeyd edək ki, SOCAR-ın “Petkim” kompleksinin inkişafına illik sərmayəsi təxminən 100 milyon dollardır.
Trending
- Emin Ağalarov Özbəkistanda 5 milyard dollarlıq turizm layihəsi reallaşdırcaq
- Kazino ilə bağlı rüsum ödəniləcək – Detallar məlum oldu
- PAŞA Bank-ın rəhbərindən bankın 18 illiyi ilə bağlı açıqlama: Hər zaman müştərilərin ehtiyaclarını anlayan, uyğun həllər təqdim edən bank olmaq üçün çalışmışıq
- Azərbaycan və Maldiv arasında viza ləğv olunub
- Neftin qiymətləri, İran və İsrail arasındakı münaqişənin gərginləşməsi səbəbindən təxminən 5% artıb
- Azərbaycanda kazino oyunlarına icazə verilir – RƏSMİ
- Bankın Rəhbəri: ABB-də hər rüb 4000-dən artıq əməkdaş arasından yalnız 1%-i öz xüsusi nailiyyətlərinə görə “Fərqli” statusu qazanır
- Mikayıl Cabbarov OPEC Beynəlxalq İnkişaf Fondunun Forumunda çıxış edib