Zəngəzur dəhlizi 2028-2029-cu illərdə işə salına bilər

Zəngəzur dəhlizi 2028-2029-cu illərdə işə salına bilər.

GDP xəbər verir ki, Türkiyənin İnfrastruktur və Nəqliyyat Naziri Əbdülqadir Uraloğlu TGRT Haber-ə müsahibəsində Qars və İğdır arasında dəmir yolunun tikintisinə ilin sonunda başlanılması və 5 il ərzində başa çatdırılmasını bildirib.

Əbdülqadir Uraloğlu onu da qeyd edib ki, Naxçıvanla Zəngilan arasında dəmir yolu hissəsinin tikintisi də bir neçə il davam edə bilər.

O bildirib: “Zəngəzur dəhlizinin açılması Asiya ilə Avropa arasında iqtisadi əlaqələrin qurulması üçün mühüm alternativ olacaq”

Uraloğlu dəhlizin İran ərazisindən keçə biləcəyini istisna etməyib.

Nazir bildirib ki, dəhlizin müəyyən hissələri həm İrandan, həm də Ermənistandan keçə bilər.