Azərbaycanda bankların valyuta təklifinin ilin sonunadək yüksək səviyyədə qalacağı gözlənilir.
Bunu GDP-ə eksklüziv açıqlamasında Azərbaycan Banklar Assosiasiyasının rəhbəri Zakir Nuriyev bildirib.
Onun sözlərinə görə, hazırda banklarda kifayət qədər valyuta aktivləri mövcuddur.
“Bizim yetərincə, hazırda bütün banklarda valyuta aktivləri mövcuddur və görünən də budur ki, ilin sonuna qədər də banklar tərəfindən yüksək təklif mövqeyi qalmaqda davam edəcək”, – deyə Z.Nuriyev bildirib.
ABA rəhbəri bazarda dollar tələbinin niyə aşağı olması ilə bağlı suala isə qeyd edib ki, assosiasiya təklifi verən tərəfi təmsil etdiyindən tələbin azalmasının səbəblərinin ayrıca araşdırılması lazımdır.
O, hazırkı vəziyyətdə əsas məqamın bankların valyuta təklif etmək imkanlarının kifayət qədər yüksək olması olduğunu vurğulayıb.
Müxtəlif:Aynur Qəniyeva