Qlobal bazarlar yeni zirvələrə qalxıb, ABŞ dolları bu ilin minimumlarına çatıb
- Səhm indeksləri Fed-in faiz dərəcəsini azaldılması ilə rekord səviyyələrə çatdı.
- ABŞ-da pərakəndə satışlar gözləntilərdən yaxşı oldu; işsizlik iddiaları da gözləntiləri üstələdi; mənzil bazarında qarışıq göstəricilər qeydə alındı.
- Böyük Britaniya Mərkəzi Bankı faiz dərəcəsini 5%-də saxladı.
- Avropa Mərkəzi Bankı inflyasiyanın hələ də yüksək səviyyədə qalması səbəbindən faiz dərəcəsinin azaldılmasına ehtiyatla yanaşır.
- Avropada əmək haqqı artımı 4.5%-ə çatdı.
- Yaponiya Bankı faizləri sabit saxladı; yenin dəyəri azaldı.
- Çində sənaye istehsalı və pərakəndə satışlar proqnozları qarşılamadı.
- Türkiyə Mərkəzi Bankı faizləri 50%-də saxladı.
ABŞ
Səhm indeksləri Fed-in faiz dərəcəsini azaltma dövrünə başlaması ilə rekord səviyyələrə yüksəldi. Kiçik kapital (small-cap) səhm indeksləri bu həftə 2%-dən çox artış göstərdi.
Həftənin əsas diqqət mərkəzi, Fed-in çərşənbə günü keçirilən iclasından sonra verdiyi faiz qərarı idi. Bazarlar 0.25% və ya 0.50% azalma arasında bölünmüşdü və Fed 0.50% azalmaya qərar verərək, 2020-ci ilin martından bəri ilk dəfə bu addımı atdı.
Makro göstəricilərə əsasən, avqustda pərakəndə satışlar 0.1% artdı və işsizlik iddiaları son üç ayın ən aşağı səviyyəsinə düşdü.
Tikinti icazələri illik 4.9% artışla ən böyük artımı göstərdi, lakin mövcud ev satışları avqustda 2.5% azaldı.
Fed-in qərarından sonra 10 illik dövlət istiqrazlarının faiz dərəcəsi bir qədər qalxdı.
Avropa
Hefte netijesinde STOXX Europe 50 İndeksi 1.1% artdı. İtaliyanın FTSE MIB 0.58%, Fransanın CAC 40 0.47% və Almaniyanın DAX indeksi 0.11% artdı. Böyük Britaniyanın FTSE 100 indeksi 0.52% azaldı.
Böyük Britaniya Mərkəzi Bankı faiz dərəcəsini 5% səviyyəsində saxladı. Əsas səbəb kimi, avqustda inflyasiyanın 2.2% səviyyəsində qalması və xidmət sektoru inflyasiyasının 5.2%-dən 5.6%-ə yüksəlməsi göstərildi.
Avropa Mərkəzi Bankının (ECB) rəsmiləri inflyasiya təzyiqi səbəbindən monetar siyasətin tədricən yumşaldılmalı olduğunu bildirdilər. Makro göstəricilərə gəldikdə, Avropada əmək haqqı ikinci rübdə illik 4.5% artım göstərərək, birinci rübdəki 5.2%-dən aşağı oldu.
Yaponiya
Yaponiya səhm indeksləri həftə nəticəsində yüksəldi. Belə ki, Nikkei 225 indeksi 3.1%, TOPIX indeksi isə 2.8% artdı.
Yaponiya Mərkəzi Bankının (BoJ) uçot faiz dərəcələrini cari səviyyədə (0.25%) saxlamaq qərarı yenin dəyərini daha da azaltdı; ABŞ dollarına nisbətən JPY 143.8-ə düşdü, əvvəlki həftə isə JPY 140.8 idi. 10 illik Yaponiya dövlət istiqrazlarının gəliri 0.84%-dən 0.86%-ə yüksəldi.
BoJ-un sədri Kazuo Ueda faiz artımlarının iqtisadi, qiymət və maliyyə vəziyyətindən asılı olduğunu təkrarladı və bankın həm yerli, həm də ABŞ iqtisadiyyatını izlədiyini vurğuladı.
Makro göstəricilərə gəldikdə, Yaponiya əsas istehlak qiymətləri indeksi (CPI) avqust ayında illik 2.8% artdı, iyul ayındakı 2.7%-dən yuxarı oldu. Ümumi inflyasiya isə 3.0%-ə yüksəldi. Hər iki göstərici bazar iştirakçılarının gözləntilərinə uyğun gəldi.
Çin
Çin səhm bazarları yüksəldi. Şanxay Kompozit İndeksi 1.21%, CSI 300 indeksi isə 1.32% artdı. Hong Kong-un Hang Seng İndeksi isə 5.12% yüksəldi.
Avqust məlumatları Çinin iqtisadi inkişafının yavaşladığını göstərdi. Sənaye istehsalı illik 4.5% artdı, proqnozlardan aşağı idi və iyul ayındakı 5.1%-dən aşağı oldu. Pərakəndə satışlar illik 2.1% artdı, lakin gözləntiləri qarşılamadı və iyul ayındakı 2.7%-dən aşağı oldu.
Çinin meqapolis işsizlik indeksi avqust ayında 5.3%-ə yüksəldi (son altı ayın maksimumu). Əmlak sektoru isə dörd il davam edən enişi davam etdirdi, yeni ev qiymətləri avqust ayında 14-cü ay ardıcıl olaraq 0.7% azaldı.
Türkiyə
Türkiyə Mərkəzi Bankı cümə axşamı keçirilən iclasda əsas faiz dərəcəsini 50.0%-də saxladı, gözlənildiyi kimi. Rəsmilər avqust ayında aylıq inflyasiya trendində əhəmiyyətli dəyişiklik olmadığını və daxili tələbin üçüncü rübdə yavaşladığını qeyd etdilər, bu da inflyasiya təzyiqlərini azaldıb.
Həftəlik İcmal Investor Club tərəfindən hazırlanıb