Mastercard, iqtisadi inkişafı gücləndirmək və sosial məsuliyyətlərini yerinə yetirmək öhdəliyini vurğulayaraq 2023 ESG (Ətraf Mühit, Sosial və İdarəetmə) Hesabatını təqdim edib.
GDP xəbər verir ki, “Yaxşı işlər görməklə uğur əldə etmək” prinsipinə əsaslanan Mastercard, bu hesabatda İnsanlar, Rifah və Planet mövzuları üzrə əldə etdiyi əsas nailiyyətləri açıqlayıb.
İnsanları dəstəkləmək istiqamətində qadın və kişi işçilər arasında maaş bərabərliyini 96.4% səviyyəsinə çatdıran Mastercard, həmçinin “Girls4Tech™” proqramı ilə 6.8 milyon qıza texniki təhsil verib.
Dünyada rifahı təşviq etmək məqsədilə isə 870 milyondan çox insanı rəqəmsal iqtisadiyyata cəlb edib və 48 milyon kiçik müəssisəyə dəstək olub. Bu məqsədlə 37 milyon qadın sahibkara və 12 milyon mikro və kiçik müəssisəyə həllər təqdim edib.
Planetin qorunması sahəsində karbon emissiyalarını azaltmağa xüsusi diqqət ayıran Mastercard, 1 və 2-ci mərhələ emissiyalarını 48%, 3-cü mərhələ emissiyalarını isə 40% azaltmağa nail olub və 2028-ci ilə qədər PVC plastik xammalının istifadəsini tam dayandırmağı hədəfləyir.
Mastercard bu təşəbbüslərlə daha inklüziv və davamlı gələcək yaratmağı qarşısına məqsəd qoyur.