Qızılın qiyməti bir unsiya üçün 2800 dollardan yuxarı qalxaraq yeni rekorda imza atıb.
GDP xəbər verir ki, qızıl bahalaşmaqda davam edir, qiymətli metalın qiyməti çərşənbə günü bir unsiya üçün 2800 dolları keçərək rekordunu yeniləyib.
Bakı vaxtı ilə saat 13:30-a dekabr qızıl fyuçerslərinin dəyəri 1 troya unsiyası üçün 2797,6 dollar təşkil edib ki, bu da əvvəlki sessiyanın bağlanışına nisbətən 0,6% çoxdur. Əvvəllər ticarət zamanı qiymətli metalın qiyməti bir unsiya üçün 2801,7 dollara qalxıb.
Qızılın qiymətinin artması ABŞ-da prezident seçkiləri ilə bağlı qeyri-müəyyənlik fonunda ən etibarlı aktivlərə tələbin ümumi artması ilə əlaqələndirilir,
Avropa Mərkəzi Bankının icmalında deyilir ki, Donald Trampın ABŞ prezidentliyinə qayıtması ehtimalının artması təhlükəsiz aktivlərə olan tələbi dəstəkləyir, çünki onun seçkilərdə qələbəsi Vaşinqton siyasətində dəyişiklik, geosiyasi gərginliyin artması və ölkənin artan borc yükü ilə nəticələnə bilər.