Comex birjasında dekabr ayı üçün qızıl gələcək müqaviləsinin kotirovkası 1,12% artaraq, bir unsiya üçün 3851,6 ABŞ dolları səviyyəsinə qədər yüksəlib.
GDP xəbər verir ki, Bloomberg agentliyinin yazdığına görə, qiymətli metalın dəyərinin artması ABŞ hökumətinin fəaliyyətinin dayandırıla biləcəyi ilə bağlı narahatlıqlar səbəbilə ABŞ dollarının zəifləməsi fonunda baş verir.
Hökumətin fəaliyyətinin dayanması, iqtisadçıların proqnozlarına görə, sentyabr ayında məhdud iş yeri artımı göstərəcək olan cümə günü açıqlanacaq məşğulluq hesabatı da daxil olmaqla, əsas məlumatların dərc olunmasını təhlükə altına ala bilər.
Nəşrin qeyd etdiyinə görə, məşğulluq göstəricilərinin aşağı düşməsi, FED-in (Federal Ehtiyat Sistemi) rəhbərliyinin oktyabr ayında faiz dərəcəsi qərarı zamanı dərəcəni aşağı salması üçün arqumentləri gücləndirəcək – belə bir ssenari faiz gəliri təmin etməyən qiymətli metalları daha cəlbedici edəcək.