Gümüşün spot qiyməti ötən cümə günü qeydə alınan rekord ucuzlaşmadan sonra bazar ertəsi də enişini davam etdirir.
Bakı vaxtı ilə saat 10:58-ə olan məlumata görə, gümüşün spot qiyməti 12,7% azalaraq təxminən unsiyası 74,34 dollar səviyyəsinə düşüb. Sessiya ərzində qiymət unsiyası 72,79 dollara qədər geriləyib. Bununla yanaşı, gün ərzində kotirovkalar 3%-dən çox da yüksəlib.
Qızılın spot qiyməti isə Bakı vaxtı ilə saat 11:01-də 7,9% azalaraq unsiyası 4 510,28 dollar olub. Sessiya ərzində qiymət 4,5 min dolların da altına enib.
Cümə günü gümüş rekord 26%, qızıl isə son on ildən artıq dövrün maksimumu olan 9% ucuzlaşıb. Qiymətlər bir gün əvvəl müəyyən edilmiş tarixi maksimumlardan geri çəkilib — gümüş unsiyası 121,64 dollar, qızıl isə unsiyası 5 594,82 dollar səviyyəsindən düşüb.