Azərbaycanda dövlət müəssisələrinin borclanmasına nəzarətin gücləndirilməsi məqsədilə yeni mexanizmin tətbiqi nəzərdə tutulur. Yeni yanaşmaya əsasən, dövlət müəssisələrinin ortamüddətli dövr üzrə borclanmaları üçün ümumi borc limiti müəyyən ediləcək. Bu məlumatdan və şəkillərdən istifadə edərək post hazırla
GDP xəbər verir ki, məsələ noyabrın 13-də maliyyə naziri Sahil Babayevin sədrliyi ilə keçirilən Maliyyə Nazirliyinin Kollegiya iclasında müzakirə olunub.
İclasda dövlət müəssisələrinin borcalma siyasətinin təkmilləşdirilməsi, maliyyə hesabatlılığının beynəlxalq standartlara uyğunlaşdırılması və hesabatların təqdim edilməsi mexanizmlərinin optimallaşdırılması məsələlərinə baxılıb.
Bildirilib ki, dövlət müəssisələrinin xalis mənfəətinin ən azı 30 faizinin dövlət büdcəsinə yönəldilməsi mexanizmi Beynəlxalq Valyuta Fondu tərəfindən müsbət təcrübə kimi qiymətləndirilib.
Bununla yanaşı, dövlət müəssisələrinin dividend proqnozlarının və büdcə layihələrinin hazırlanması, həmin proseslərin dövlət büdcəsinin tərtibi ilə əlaqələndirilməsi istiqamətində yeni tədbirlər həyata keçiriləcək.
Maliyyə naziri Sahil Babayev 2027-ci ildən tətbiq ediləcək büdcənin tərtibi, icrası və hesabatlılığı üzrə skorinq metodologiyasının hazırlanmasına dair müvafiq tapşırıqlar verib.
Qeyd olunub ki, həyata keçirilən tədbirlərin əsas məqsədi dövlət müəssisələrinin maliyyə dayanıqlığının artırılması, borclanma risklərinin azaldılması və dövlət maliyyəsinin idarə olunmasında səmərəliliyin yüksəldilməsidir.
