ABŞ fond bazarı əmək bazarı ilə bağlı statistik məlumatlardan sonra aktiv şəkildə yüksəlir
GDP xəbər verir ki, dümə günü ticarətin əvvəlində ABŞ fond indeksləri əmək bazarı ilə bağlı statistik məlumatların açıqlanmasından sonra Federal Ehtiyat Sisteminin (FED) əsas faiz dərəcəsini artırması ehtimalının yenidən qiymətləndirilməsi fonunda nəzərəçarpacaq dərəcədə yüksəlir.
ABŞ Əmək Nazirliyinin məlumatına görə, sentyabr ayında ölkə iqtisadiyyatında kənd təsərrüfatı sektoru istisna olmaqla iş yerlərinin sayı 29 min artıb. Trading Economics tərəfindən sorğuya cəlb edilən analitiklər orta hesabla 90 min iş yerinin yaradılacağını proqnozlaşdırırdılar.
Ölkədə işsizlik səviyyəsi sentyabr ayında gözlənilmədən əvvəlki aydakı 4,1%-dən 4,2%-ə yüksəlib.
Məşğulluq göstəriciləri Federal Ehtiyat Sistemi (FED) tərəfindən diqqətlə izlənilir və əsas faiz dərəcəsi ilə bağlı qərarlar qəbul edilərkən nəzərə alınır. Gözləntilərdən zəif statistikanın açıqlanmasından sonra treyderlər FED-in oktyabr ayında faiz dərəcəsini artırması ehtimalını təxminən 18%-ə endiriblər. Bu barədə CME FedWatch məlumat verir.
Dow Jones indeksi Bakı vaxtı ilə saat 18:12-yə 0,5% yüksələrək 51 197,82 bənd təşkil edib.
S&P 500 indeksi 1% artaraq 7 740,46 bəndə çatıb.
Nasdaq indeksi 1,6% yüksələrək 27 297,8 bənd səviyyəsində ticarət olunur.