“AccessBank” QSC adi səhmlərin nominal dəyərinin dəyişdirilməsini elan edir.
Bankın yaydığı məlumatda bildirilir ki, “AccessBank” Qapalı Səhmdar Cəmiyyəti hər bir adi səhminin nominal dəyərinin 4,25 AZN-dən 2,00 AZN-ə redenominasiyasını və müvafiq olaraq nizamnamə kapitalının azaldılmasını (52,94% azalma) elan edir.
Bank qeyd edir ki, adi səhmlərinin nominal dəyərinin azaldılması başa çatdıqdan sonra səhmlərin sayı və səhmdarların strukturu dəyişməz qalacaq. Bankın məcmu kapital vəziyyəti dəyişməyəcək və requlyativ normanın minimum tələblərindən təxminən üç dəfə artıq qalacaq.
Qeyd edək ki, hazırda “AccessBank” QSC-nin niamnamə kapitalı 270 milyon 106 min 912 manatdır. Səhminin nominal dəyərinin azaldılması ilə əlaqədar olaraq Bankın niamnamə kapitalı 127 milyon 113 min manat aalaraq 142 milyon 994 min manata düşəcəkdir.
“AccessBank” QSC-nin İctimaiyyətlə əlaqlər üzrə meneceri Ülviyyə Huseynova Marja.az-a bildirdi ki, səhmlərin nominal dəyərinin azaldılması əvvəlki illər yığılmış zərərin silinməsilə əlaqədardır.