Author: Aynure Gdp

Azərbaycan Mərkəzi Bankının İdarə Heyəti növbəti pul siyasəti qərarını açıqlayıb. Qərara əsasən uçot dərəcəsi 7.25 faiz səviyyəsində saxlanılıb. GDP xəbər verir ki, faiz dəhlizinin parametrləri də dəyişməz qalıb. Belə ki, dəhlizin aşağı həddi 6.25 faiz, yuxarı həddi isə 8.25 faiz təşkil edir. Bu qərar faktiki və gözlənilən inflyasiyanın hədəf çərçivəsində (4±2%) olması, eyni zamanda daxili və xarici iqtisadi mühitin təhlili əsasında qəbul edilib.

ABŞ dolları indeksi cümə günü 103.9 səviyyəsində sabitləşib. GDP xəbər verir ki, dörd ardıcıl azalma sessiyasından sonra investorlar Federal Ehtiyatların siyasət iclası və qarşıdan gələn ABŞ prezident seçkiləri öncəsi əmək bazarının vəziyyətini qiymətləndirmək üçün oktyabr ayının məşğulluq hesabatını gözləyirlər. Bundan əlavə,inflyasiya göstəriciləri qiymət təzyiqlərinin azaldığını, ABŞ iqtisadiyyatının isə üçüncü rübdə gözləniləndən az böyüdüyünü göstərib.Bu amillər FED-in gələn həftə faiz dərəcələrini azaldacağı gözləntilərini gücləndirib, lakin azalmanın daha mülayim templə – 25 baza bəndi həcmində olacağı ehtimal edilir. Dollar əsas valyutalara qarşı sabit qalsa da, Yaponiya Mərkəzi Bankının daha az yumşaq açıqlamalarından sonra yen qarşısında təzyiqə məruz qalıb.

Texnologiya nəhəngi Amazon 2024-cü maliyyə ilinin üçüncü rübü üzrə maliyyə nəticələrini açıqlayıb. GDP xəbər verir ki, şirkətin gəlirləri ötən ilin eyni dövrü ilə müqayisədə 11% artaraq 159 milyard dollar təşkil edib ki, bu da bazar gözləntilərindən 1.6 milyard dollar yüksəkdir. Əməliyyat marjası illik müqayisədə 3 faiz bəndi artaraq 11%-ə yüksəlib. Son 12 ayın sərbəst pul axını (FCF) 48 milyard dollar olub. Şirkətin bulud xidmətləri bölməsi olan AWS-in gəlirləri 19% artaraq 27.5 milyard dollara çatıb. Bu bölmənin əməliyyat marjası illik müqayisədə 8 faiz bəndi artaraq 38%-ə yüksəlib. Amazon dördüncü rüb üçün təxminən 185 milyard dollarlıq gəlir proqnozlaşdırır ki, bu da analitiklərin…

Warren Buffettin rəhbərlik etdiyi Berkshire Hathaway şirkətinin səhmləri son 4 həftənin ən aşağı səviyyəsinə – 452.25 ABŞ dollarına qədər ucuzlaşıb. GDP xəbər verir ki, son 4 həftə ərzində şirkətin səhmləri 0.95% dəyər itirib. Buna baxmayaraq, illik müqayisədə səhmlərin dəyərində əhəmiyyətli artım müşahidə edilib – son 12 ayda 31.66% yüksəliş qeydə alınıb. Bu qısamüddətli enmə fonunda şirkətin uzunmüddətli investisiya strategiyası və diversifikasiya olunmuş portfeli səhmlərin illik müsbət dinamikasını təmin edib.

Nyu-York fond birjasında Dow Jones İndeksi cümə axşamı 378 punkt və ya 0.90 faiz azalaraq ticarət sessiyasını başa vurub. GDP xəbər verir ki, n çox ucuzlaşma texnologiya şirkətlərinin payına düşüb. Microsoft səhmləri 5.85%, Intel 3.27% və Amazon 3.21% dəyər itirib. Sessiya ərzində ən yüksək artım göstərən şirkətlər arasında Verizon (2.03%), Walt Disney (1.42%) və Amgen (1.35%) yer alıb. İndeksin enişində texnologiya şirkətlərinin gözləntilərindən aşağı maliyyə proqnozları əsas rol oynayıb.

Yaponiya Mərkəzi Bankı (BoJ) oktyabr ayında keçirilən iclasında əsas qısamüddətli faiz dərəcəsini yekdilliklə 2008-ci ildən bəri ən yüksək səviyyə olan 0.25 faiz səviyyəsində saxlayıb. Bu qərar bazar gözləntilərinə uyğun olub. GDP xəbər verir ki, qərar Yaponiyadakı seçkilərdən sonra dəyişən siyasi mənzərə və ABŞ prezident seçkiləri ərəfəsində qəbul edilib. Bank rəhbəri Kazuo Ueda qlobal iqtisadi perspektivlərlə bağlı artan qeyri-müəyyənliklə əlaqədar narahatlığını ifadə edib. O bildirib ki, mart və iyul aylarında faiz artımlarından sonra risk faktorlarını təhlil etmək üçün kifayət qədər vaxt var. Bankın Siyasət Şurası iqtisadi və qiymət göstəriciləri proqnozlara uyğun gəldiyi təqdirdə, gələcəkdə faiz dərəcələrini artırmağa hazır olduqlarını təsdiqləyib. Rüblük…

Amerika Birləşmiş Ştatlarında gözlənilən prezident seçkiləri ərəfəsində qlobal qızıl bazarında tələbat tarixi rekord həddə çatıb. GDP xəbər verir ki, Dünya Qızıl Şurasının məlumatına əsasən, qızıla olan tələbat ilk dəfə olaraq 100 milyard dollar səviyyəsini keçib. Qurumun hesabatında qeyd olunur ki, 2024-cü ilin iyul-sentyabr ayları ərzində qlobal qızıl alışları ötən ilin eyni dövrü ilə müqayisədə 35 faiz artım qeydə alınıp. Bu artımın əsas səbəbi kimi dünyada artan geosiyasi gərginlik və qeyri-müəyyənlik göstərilir. İnvestorların təhlükəsiz liman axtarışı nəticəsində qiymətli metalın bir unsiyasının dəyəri bu həftə yeni rekord müəyyənləşdirərək 2779 dollar səviyyəsinə yüksəlib. Bazarın təhlilçiləri qeyd edirlər ki, ABŞ-da gözlənilən prezident seçkiləri ərəfəsində…

Azərbaycan Mərkəzi Bankının sədri Taleh Kazımov BP şirkətinin baş iqtisadçısı Spenser Deyl və Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəylini qəbul edib. GDP xəbər verir ki, görüşdə BP tərəfindən hazırlanan və 2024-cü il üçün enerji bazarlarına dair proqnozları özündə əks etdirən “BP Enerji Proqnozu” hesabatı təqdim olunub. BP-nin baş iqtisadçısı Spenser Deyl tərəfindən təqdim edilən hesabatın müxtəlif ssenariləri barədə fikir mübadiləsi aparılıb. Görüş zamanı, həmçinin Azərbaycanda mövcud makroiqtisadi vəziyyət, yaşıl iqtisadiyyatın inkişafı və neft-qaz sektorunun perspektivləri kimi aktual məsələlər müzakirə edilib. Qeyd edək ki, bu görüş Azərbaycanla BP arasında enerji sektorundakı əməkdaşlığın davam etdirilməsi və gələcək inkişaf…

Cənubi Koreyanın “Samsung Electronics” korporasiyasının gəliri üçüncü rübdə 17% artaraq 57,4 milyard dollar təşkil edib, xalis mənfəət isə analitiklərin proqnozlarından bir qədər yaxşı olub. GDP xəbər verir ki, smartfonlar və digər istehlak cihazları bölməsi rübü yaxşı başa vurub, gəliri 11%, əməliyyat mənfəəti isə 26% artıb. Şirkət həmçinin süni intellekt sistemləri üçün qabaqcıl çiplərin “satış artımına yaxın olduğunu” açıqlayıb. Eyni zamanda, Samsung yarımkeçiricilər istehsalı bölməsinin rüblük gəlirinin 40% azaldığını bildirdi. Samsung-un rüblük nəticələrini dərc etdikdən sonra onun səhmləri 2% bahalaşıb.

Azərbaycan Respublikası Mərkəzi Bankının İdarə Heyətinin faiz dəhlizinin parametrlərinə dair növbəti qərarı barədə press-reliz 1 noyabr 2024-cü il tarixində saat 10:00-da yayımlanacaqdır. Bu barədə Mərkəzi Bank məlumat yayıb. Qeyd edilib ki, həmin gün saat 11:00-da Mərkəzi Bankda mətbuat konfransı keçiriləcəkdir.