Author: Aynure Gdp

Pakistanın “Cnergyico” neft şirkəti ilk dəfə olaraq Qazaxıstan və Rusiya istehsalçılarının tədarük etdiyi CPC Blend neftini alıb. GDP xəbər verir ki, Xəzər Boru Kəməri Konsorsiumunun Qara dəniz terminalı vasitəsilə 200 min ton CPC Blend yüngül neft göndərilib. Məlumata görə Cnergyico, həcmi “siyasətlərə və prosedurlara uyğunluq üçün əməliyyatda lazımi araşdırma apardıqdan” sonra BƏƏ-də yerləşən ticarət şirkətindən aldığını açıqlayıb.

Qlobal bazarlar Çindən gələn güclü fiskal və monetar stimul tədbirləri nəticəsində yeni zirvələrə yüksəldi. ABŞ Dow Jones və S&P 500, Çindəki yeni stimul tədbirləri ilə bağlı optimizmlə rekord səviyyələrə çatdı. Kimya və sənaye şirkətlərinin səhmləri Çindən gələn tələbin artacağı ümidləri ilə yüksəldi. Texnologiya səhmləri də Intel-in alışı ilə bağlı şayiələr və NVIDIA-nın CEO-sunun səhmlərini satmağı dayandırması xəbəri ilə yüksəldi. Micron Technology-nin müsbət süni intellekt perspektivləri çip sektorunu dəstəklədi. İpoteka faizlərinin azalması ilə yenidən maliyyələşdirmə sürətləndi və ipoteka yenidən maliyyələşdirmə indeksi aprel 2022-dən bəri ən yüksək səviyyəyə çatdı. Fed-in üstünlük verdiyi inflyasiya göstəricisi, əsas PCE indeksi avqustda cəmi 0.1% artdı, illik…

Brent markalı neftin bir barreli 71,69 dollara satılır Cümə günü axşam benchmark neftin qiymətləri mülayim şəkildə yüksəlməkdə davam edir, lakin dünya bazarına yanacaq tədarükünün artması qorxusu səbəbindən həftəni enişlə tamamlayıb. Londonun ICE Futures birjasında Brent markalı neftin noyabr fyuçerslərinin kotirovkaları Bakı vaxtı ilə saat 17:55-ə 0,09 dollar (0,13%) artaraq bir barel üçün 71,69 dollar olub. Nyu-Yorkun əmtəə birjasında noyabr ayı üçün WTI neftinin fyuçerslərinin qiyməti həmin vaxta qədər 0,33 dollar (0,49%) artaraq 68,00 dollar/barelə çatıb.

Azərbaycanın maliyyə naziri Samir Şərifov ölkədə devalvasiya olacağı ilə bağlı iddialara aydınlıq gətirib. Bu barədə nazir jurnalistlərə açıqlamasında bildirib. “Biz Milli Məclisə dövlət büdcəsinin növbəti il üçün layihəsini təqdim edərkən bizim hesablamalar mövcud məzənnə üzərində qurulub. Ölkəmizdə devalvasiya olacağı dedi-qodudan başqa bir söhbət deyil. Bu məsələni şərh etmək istəmirəm”, – deyə nazir qeyd edib. Qeyd edək ki, Maliyyə Nazirliyinin hesabatına əsasən, İqtisadiyyat Nazirliyi tərəfindən təqdim olunmuş makroiqtisadi proqnozlarda 2025-2028-ci illər üzrə manatın ABŞ dollarına qarşı məzənnəsi sabit, cari ilin səviyyəsində götürülüb. Proqnozlara əsasən, ortamüddətli dövrdə əhalinin gəlirlərinin artaraq 2028-ci ildə 112,5 milyard manata, xərclərinin isə 107,9 milyard manata qədər yüksəlməsi…

2024-cü ilin ilk yarısının nəticələrinə görə, investisiya şirkətlərinin kapital mövqeyi komfort zonadadır. GDP-nin məlumatına görə, Azərbaycan Mərkəzi Bankının hesabatında sektor üzrə məcmu kapitalın 46 milyon manat, tələb olunan kapitalın isə 5,2 milyon manat olduğu bildirilir. Bu göstəricilər investisiya şirkətlərinin kifayət qədər kapital buferinə sahib olduğunu göstərir, bu da onların maliyyə dayanıqlığını qorumağa imkan veri

Azərbaycan investisiya şirkətlərinin xarici bazarda broker xidmətləri üzrə müştəri aktivləri 6.4% artıb. GDP Mərkəzi Banka istinadən xəbər verir ki, 2024-cü ilin birinci yarımili ərzində  investisiya şirkətlərinin müştəri aktivləri genişlənmişdir. 2023-ci ilin sonu ilə müqayisədə investisiya şirkətlərinin müştəri aktivləri 8% (121 mln. manat) artaraq 1 mlrd. 721 mln. manata çatıb. Məlumata görə, müştəri aktivlərində artımın əsas səbəbi xarici bazarda broker xidmətləri olmuşdur. Belə ki, xarici bazarda broker xidmətləri üzrə müştəri aktivləri 6.4% (83 mln. manat) artmışdır.

Azərbaycandakı investisiya şirkətlərinin mənfəətliliyində azalma müşahidə edilmişdir. Belə ki, ötən ilin ilk yarısı ilə müqayisədə 2024-cü ilin birinci yarısı ərzində investisiya şirkətlərinin xalis mənfəəti 4.4 mln. manat olub. GDP xəbər verir ki. bu barədə Mərkəzi Bankın dərc etdiyi 2024-cü ilin 1-ci yarımili üzrə Maliyyə Sabitliyi Hesabatında məlumat verilib. Məlumata görə, bu göstərici 2023-ci ilin müvafiq dövrü ilə müqayisədə 15.4% azdır.

Haqq və komissiya xərcləri qeyri-faiz xərclərinin artımının əsas səbəbi olub. GDP Mərkəzi Banka istinadən xəbər verir ki, qeyri-faiz xərclərinin 33%-ni təşkil edən haqq və komissiya xərcləri 2024-cü ilin I yarısı ötən ilin eyni dövrünə nisbətdə 40% (122 mln. manat) artmışdır. Bunun da əsas səbəbi nağdsız əməliyyatların artması və rəqəmsallaşmanın dərinləşməsi ilə yanaşı bankların keşbek kimi məhsulları olmuşdur.

Azərbaycan bank sektorunun xalis faiz gəlirləri 2024-cü ilin ilk yarısında ötən ilin eyni dövrü ilə müqayisədə 12% (145 milyon manat) artaraq 1 milyard 379 milyon manat təşkil edib. Bu barədə GDP Mərkəzi Bankın Maliyyə Sabitliyi Hesabatına istinadən xəbər verir . Artan faiz gəlirləri fonunda bank sektorunun mənfəət marjası 22,2%-ə çatıb. Bankların faiz spredinin dinamikası da ilin əvvəlindən sabitləşməyə başlayıb. Faizli aktivlərin gəlirliyinin və maliyyələşmə mənbələrinin dəyərinin artımı nəticəsində sektorun faiz spredi 0,1 faiz bəndi artaraq 5,7% olub. Bankların faiz gəlirlərinin bütün komponentlərində artım müşahidə edilsə də, əsas artım biznes və istehlak kreditləri üzrə faiz gəlirlərinin hesabına baş verib. 2024-cü ilin…