Goldman Sachs bankı Donald Trampın mümkün ikinci prezidentlik dövrü ilə bağlı gözlənilməz proqnoz yayımlayıb.
GDP xəbər verir ki,bankın analitikləri hesab edir ki, Trampın siyasəti 2018-ci il tarif müharibələrindən üç dəfə daha böyük bazar hadisəsinə səbəb ola bilər. Bu proqnoz, artan qeyri-müəyyənliklər və iqtisadi təsirlərlə bağlı ciddi narahatlıqlar yaradır.
Seçkilərdən sonra ABŞ bazarlarında ticarət həcmi 40% artıb ki, bu da investorların artan aktivliyini göstərir. Hər gün 15,4 milyard səhm ticarət olunur, bu da son illərdə müşahidə olunan ən yüksək göstəricidir. Goldman Sachs analitikləri hesab edirlər ki, bu dəyişikliklər zəncirvari reaksiya yarada bilər və bazarda ciddi təsirlərə səbəb ola bilər.
ABŞ Federal Ehtiyat Sistemi (FES) 2025-ci ilin sonuna şəxsi istehlak xərclərinin əsas deflyatorunun 2,5%-ə çatacağını proqnozlaşdırır. Bu göstərici əvvəlki gözləntilərdən yüksəkdir və inflyasiya ilə bağlı yeni narahatlıqlar doğurur.
Trampın təklif etdiyi siyasətlərin isə növbəti on ildə ABŞ-ın büdcə kəsirinə əlavə 7,75 trilyon dollar yük gətirəcəyi gözlənilir. Bununla yanaşı, Respublikaçılar Nümayəndələr Palatasında xərcləri 2,5 trilyon dollar azaltmağı planlaşdırırlar. Trampın komandası isə büdcəni 2 trilyon dollar azaltmağın mümkün olduğunu iddia edir.