Maliyyə Monitorinq Xidmətinin istinad etdiyi “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanunun tələblərinə yenidən baxılmalıdır. Bu gün investisiya şirkətləri ən çox qanunun “investorun yatırdığı pulun mənbəyi barədə məlumatları təqdim etməsi” tələbinə görə çətinliklə üzləşir.
GDP xəbər verir ki, bunu Azərbaycan Fondu Bazarı İştirakçıları Assosiasiyasının (AFBİA) katibi Murad Yəhyayev deyib.
O bildirib ki, investisiya edən şəxslərin əksəriyyəti vəsaitlərinin mənbəyini göstərə bilmir. “Misal üçün: babasından, nənəsindən qalan pulu yaxud da vaxtilə əmək müqaviləsi bağlamadan işləyib, ya da vətəndaş uzun illər əl işləri hazırlayıb bizneslə məşğul olub topladığı vəsaitlə qiymətli kağzılar bazarına investisiya etmək istəyir. Təbii ki, kiçik nümunə çəklində sadaladığım bu hallarda invetisiya qoymaq istəyən vətəndaş vəsitin mənbəyi ilə bağlı heç bir rəsmi sənəd təqdim edə bilmədiyinə görə qiymətli kağızlar bazarı investorları itirir. Zamanla təkrarlanan eyni xarakterli faktlar onu göstərir ki, inestisiya edilən vəsaitin mənbəyinin göstərilməsi ilə bağlı tələbə görə investisiya şirkətləri çətinliklə üzləşir.”
Murad Yəhyayevin sözlərinə görə, investisya şirkətləri Maliyyə Monotorinq Xidmətinə (MMX)daha uyğun və uğurlu mexanizlər istiqamətində təkliflərini yazılı formada təqdim edib. “Bundan başqa invetorlar barədə müəyyən məlumatların başqa-başqa formalarda bir neçə dəfə tələb olunmasının qarşısının alınması ilə bağlı təkliflər verilib. Ekspert qrupları bütün bu çətinliklərin aradan qaldırılması üçün qanunlarda dəyişikliklər üzərində işləyirlər. İnvestisiya etmək yəni hər hansı qiymətli kağızı almaq istəyən şəxsdən bir sənəd ayrı -ayı qurumlar tərəfindən təkrar tələb ediləndə həmin şəxs artıq bezir və geri çəkilir.”
AFBİA katibi bu sahədə mövcud olan digər çatışmazlıqlara da toxunaraq “Bununla yanaşı maliyyə sahəsində olan qanunların tələbləri ümumi xarakter daşıyır. Maliyyə sektorunun bəzi tələblərinin yerinə yetirilməsi ola bilər ki, banklar üçün rahatdır amma investisiya şirkətlərinin həmin tələbi həyata keçirməsi üçün daha detallı yanaşma lazımdır”,-deyə qeyd edib.
Müəllif: Aynur Qəniyeva