Kapital Bank 2024-cü ildə kiçik və orta sahibkarlığın inkişafına yönəlmiş fəaliyyətini genişləndirərək mühüm yeniliklər həyata keçirib. Bankın məlumatına görə, bu il təqdim olunan bütün qarantiya portfeli 100%-lik həcmdə rəqəmsal formada təqdim olunub ki, bu da müştərilər və bank üçün böyük bir nailiyyətdir.
GDP xəbər verir ki, “Kapital Bank” ASC-nin İdarə Heyətinin sədri, Baş İcraçı Direktoru Fərid Hüseynov, 2024-cü ilin 11 ayının nəticələri və 2025-ci ilin planlarına dair keçirilən mətbuat konfransında bildirib ki, bank artıq yalnız mikro sahibkarlara deyil, orta biznes subyektlərinə də xüsusi diqqət yetirir.
O əlavə edib ki, orta biznes subyektləri olan müştərilər 300 min manata qədər olan kreditləri bir gün ərzində – səhər müraciət etdikləri halda, elə həmin gün ərzində əldə edə bilirlər.
Bu yanaşma, müştərilərin ehtiyaclarını operativ şəkildə təmin etmək baxımından bankın strateji prioritetlərindən biri kimi dəyərləndirilir.