Aqrar sığorta tələbi 10 hektardan 7 hektara endirilib.
GDP xəbır verir ki, bunu Aqrar Sığorta Fondunun İdarə Heyətinin sədr müavini Ləman Alıyeva-Məmişova Aqrar Subsidiya Şurasının qəbul etdiyi yeni qərarlardan danışarkən bildirib.
Onun sözlərinə görə, yeni qərarla icbari sığortalanma tələbinin tətbiq olunduğu əkin sahəsinin minimum həddi 10 hektardan 7 hektara endirilib.
L. Alıyeva-Məmişova bildirib ki, dəyişiklik aqrar sığortanın fermerlər üçün əlçatanlığının artırılmasına və sığorta əhatəsinin genişləndirilməsinə xidmət edir.
“Yeni qərar nəticəsində daha kiçik və ortaölçülü təsərrüfatların da aqrar sığortaya əlçatanlığı artacaq və onların risklərinin qorunması təmin ediləcək”, – deyə Fond rəsmisi qeyd edib.
Bundan başqa, icbari sığortalanma tələbinin tətbiq edildiyi bitkilərin siyahısı da genişləndirilib. Arpa, buğda, qarğıdalı və çəltiklə yanaşı, günəbaxan da bu siyahıya əlavə olunub.
Müəllif: Aynur Qəniyeva