ABŞ-ın əsas fond indeksləri, makroiqtisadi məlumatlar və korporativ hesabatlarının hakim olduğu bir həftədənsonra əsasən aşağı səviyyədə yekunlaşdı. Çərşənbə günü Nasdaq Composite və S&P MidCap 400 indekslərirekord səviyyələrə çatdı, lakin cümə axşamı bazarlar kəskin düşüş yaşadı.
S&P 500 şirkətlərinin təxminən 42%-i, o cümlədən texnologiya nəhəngləri Meta, Microsoft, Alphabet, Apple və Amazon, korporativ hesabatlarını açıqladı. Analitiklər, hesabat mövsümündən əvvəlki ilkin proqnoz olan 4.3%-dən yuxarı, indeks üçün ümumi qazanc artımının 5.1% olacağını gözləyirdilər.
Əmək bazarı məlumatları qarışıq siqnallar verdi: iş yerlərinin sayı 7.44 milyona düşərək 2021-ci ilin yanvarından bəri ən aşağı səviyyəyə çatdı.
İstehsal fəaliyyəti isə azalmağa davam etdi və ISM indeksi 15 ayın ən aşağı səviyyəsi olan 46.5-ə düşdü.
Zəif istehsal və əmək məlumatlarına baxmayaraq, 10 illik ABŞ Xəzinə istiqrazlarının gəlirliliyi 4.37%-ə çataraq dörd ayın ən yüksək səviyyəsinə yüksəldi və yenilənmiş inflyasiya və makro artım təzyiqlərini əks etdirdi.
Intel və Amazon cümə günü ABŞ fond bazarlarını yüksəltdi. Intel gözləniləndən daha yüksək satış proqnozları ilə 7.8% artdı, Amazon isə güclü üçüncü rüb qazanc göstəriciləri ilə 6.2% yüksəldi, bu da Nasdaq, S&P 500 və Dow Jones-un həftənin əvvəlindəki itkilərini bərpa etməsinə kömək etdi. Super Micro Computer Ernst & Young-un auditor vəzifəsindən istefa verməsindən sonra 11% dəyər itirdi.
Texnologiya sektorunda, Meta üçüncü rüb gəlirlərini 40.59 milyard dollara çatdıraraq ötən ilə nisbətən 19% artım göstərdi və səhm başına qazancı 6.03 dollar oldu, bu da gözləntiləri üstələdi. Lakin şirkət növbəti il üçün süni intellekt infrastrukturu xərclərinin artacağını gözlədiyi üçün səhm qiyməti 2.9% azaldı.
Alphabet-in qazancı bulud xidmətləri və reklam seqmentlərində güclü göstəricilərlə artdı və şirkətin süni intellekt və bulud texnologiyasına strateji diqqətini əks etdirdi.
Microsoft gəlirini 17% artıraraq 61.9 milyard dollara çatdırdı, bu da bulud xidmətləri və süni intellekt təşəbbüslərindəki artımla əlaqədardır.
Coinbase-in üçüncü rüb qazancı gözləntilərdən aşağı oldu və 75.5 milyon dollar xalis gəlir və 1.205 milyard dollar gəlir açıqladı, bu da səhm qiymətinin 3.6% azalmasına səbəb oldu.
Avropa
STOXX Europe 600 İndeksi Orta Şərqdəki gərginliklər, ve korporasiyalar terefinden zəif hesabatlari səbəbindən 1.52% dəyər itirdi. Fransa’nın CAC 40 indeksi 1.18%, Almaniyanın DAX indeksi 1.07%, İtaliyanın FTSE MIB indeksi 1.42%, və İngiltərənin FTSE 100 indeksi isə 0.29% aşağı düşdü.
Avrozona iqtisadiyyatı üçüncü rübdə 0.4% artaraq, ikinci rübdəki artım tempini ikiqat kecdi. Almaniya resessiyadan cüzi şəkildə yayındı, inflyasiya 1.7%-dən 2%-ə yüksəldi. Böyük Britaniyanın yeni büdcəsində vergilərin artırılması və borclanma nəzərdə tutuldu, bu da bond bazarında satışa səbəb oldu.
Yaponiya
Yaponiyanın Nikkei 225 indeksi 0.4%, TOPIX isə 1.0% artdı, Bank of Japan (BoJ) faizləri sabit saxladı. Yen əvvəlcə zəiflədi, lakin BoJ rəhbəri Ueda-nın açıqlamalarından sonra həftənin sonunda stabilləşdi.
Çin
Çin bazarları eniş yaşadı; Şanxay Kompozit İndeksi 0.84%, CSI 300 isə 1.68% dəyər itirdi. İqtisadi göstəricilər bərpa əlamətləri göstərdi, zavod fəaliyyəti genişləndi və yeni ev satışları artdı.
Analitiklər Çin iqtisadiyyatında sabitləşmə müşahidə etdi və gələcək artımın əsasən mənfəət göstəricilərinə əsaslanacağını vurğuladılar.
Həftəlik İcmal Investor Club tərəfindən hazırlanıb