Müxtəlif ictimai iaşə obyektlərində, təsərrüfat subyektlərində, notariuslarda və bir sıra digər sahələrdə ödəniş üsulu kimi qəbul edilən “card-to-card” əməliyyatları vergidən yayınmaq üçün əlverişli alət olmaqla yanaşı, bankların rəqəmsal ödənişlər, o cümlədən POS-terminal infrastrukturu sahəsində investisiyalarına mənfi təsir göstərir.
GDP xəbər verir ki,Azərbaycan Banklar Assosiasiyasının «Ödəniş sistemləri və rəqəmsal bankçılıq üzrə» ekspert qrupunun rəhbəri Tamerlan Rüstəmov deyib.
O bildirib: “Ani ödənişlər sisteminə keçid də bu problemi tam həll etməyəcək. Təsərrüfat subyekti başqa bir hesab nömrəsini təqdim edərək prosesə davam edəcəkdir. Pozuntu hallarını gizli müştəri qismində də yoxlamaq olar, lakin buna da insan resursu yetməz. Limitlərin qoyulması da həll yolu deyil, belə ki eyni şəxs bir neçə ödəniş kartından istifadə edəcək. Nəticədə kart sayı süni formada artacaq.
“Card-to-card” əməliyyatlarının məhdudlaşdırılması həm inzibati, həm də təşviqedici tədbirlərin birgə tətbiqi ilə mümkündür.”
Tamerlan Rüstəmovun sözlərinə görə təsərrüfat subyektlərinə POS-terminalda aparılan rəqəmsal ödənişlərə görə vergi güzəştlərinin tədbiqi POS-terminaldan istifadəni təşviq edəcəkdir. “İctimaiyyətin bu prosesə könüllü dəstək olması və üzlədiyi pozuntu hallarını bildirməsi üçün “qaynar xətt” formalaşdırıla bilər.
Nəticə etibarı ilə mümkünsüz heç nə yoxdur.”