Mesh və Visa istifadəçilərə ayrıca kart olmadan kriptovalyuta ilə alış-veriş etmək imkanı yaradacaq.
Yayılan məlumata görə, Mesh dəstəklənən kriptocüzdanlardakı kriptovalyuta və steyblkoinlərin konvertasiyasını Visa-nın 175 milyondan çox satış nöqtəsini əhatə edən ödəniş şəbəkəsinə inteqrasiya edəcək.
İstifadəçilərin aktivlərini əvvəlcədən satmasına və ya ayrıca karta köçürməsinə ehtiyac qalmayacaq. Ödəniş zamanı vəsaitin silinməsi və konvertasiyası avtomatik həyata keçiriləcək.
Xidmətin istifadəyə veriləcəyi tarix, hansı ölkələrdə əlçatan olacağı və tətbiq ediləcək komissiyalar barədə məlumat açıqlanmayıb.