Qazaxıstan Respublikasının Prezidenti Kasım-Jomart Tokayev Türk Dövlətləri Təşkilatına (TDT) üzv ölkələrin mərkəzi (milli) banklarının sədrləri ilə rəsmi qəbulda görüşüb.
GDP xəbər verir ki, Azərbaycan Respublikası Mərkəzi Bankının sədri Taleh Kazimovun da iştirak etdiyi görüşdə regional maliyyə əməkdaşlığının perspektivləri müzakirə olunub.
Prezident Tokayev çıxışında üzv dövlətlərin maliyyə sektorları arasında əməkdaşlığın gücləndirilməsinin daha geniş iqtisadi tərəfdaşlığa zəmin yarada biləcəyini vurğulayıb. Dövlət başçısı bu prosesdə mərkəzi bankların rolunun xüsusi əhəmiyyət daşıdığını qeyd edib.
TDT çərçivəsində mərkəzi banklar arasında əməkdaşlığın intensivləşdirilməsi regional iqtisadi inkişafın sürətləndirilməsi baxımından mühüm addım kimi qiymətləndirilib.
