Brent markalı neftin qiyməti iyulun sonundan bəri ilk dəfə bir barel üçün 88 dollar həddini keçib.
GDP xəbər verir ki, neft qiymətlərində artım geosiyasi risklərin davam etməsi və qlobal bazarda təklifin azalacağı ilə bağlı gözləntilərlə əlaqələndirilir. Əsas ixracatçı ölkələrin hasilatı məhdudlaşdırması və ABŞ-də kommersiya neft ehtiyatlarının azalması da qiymətlərə dəstək verir.
Analitiklər hesab edirlər ki, Brent neftinin 88 dollar səviyyəsinin üzərində möhkəmlənməsi qiymətlərin daha da yüksəlməsinə şərait yarada bilər. Bununla yanaşı, neftin sonrakı dinamikası ABŞ dollarının məzənnəsi və makroiqtisadi göstəricilərdən asılı olacaq.