ABŞ-ın əsas fond indeksləri bazar ertəsi keçirilən ticarət sessiyasını azalma ilə başa vurub.
Bazarlardakı geriləməyə təsir göstərən əsas amillərdən biri Yaxın Şərqdə gərginliyin yenidən artması fonunda neft qiymətlərinin yüksəlməsi olub.
Ticarətin yekunlarına görə, Dow Jones Industrial Average indeksi 272,63 bənd və ya 0,51% azalaraq 53 459,78 bəndə düşüb.
S&P 500 indeksi 40,7 bənd və ya 0,52% geriləyərək 7 745,06 bənd, Nasdaq Composite isə 84,25 bənd və ya 0,32% azalaraq 26 644,91 bənd təşkil edib.
İnvestorların diqqəti bu həftə açıqlanacaq Walmart və Home Depot şirkətlərinin rüblük maliyyə hesabatlarına yönəlib. Sözügedən hesabatların ABŞ-da istehlak xərclərinin mövcud vəziyyəti ilə bağlı bazara əlavə siqnallar verəcəyi gözlənilir.