Amerikalı rəsmilərin məlumatına görə, Çinlə əlaqəli hakerlər ABŞ Federal Ehtiyat Sisteminin (FED) sistemlərinə giriş əldə ediblər.
GDP xəbər verir ki, hadisənin detalları hələ tam açıqlanmasa da, ölkənin əsas maliyyə institutuna müdaxilə faktı ciddi narahatlıq yaradıb.
FED-ə qarşı belə bir kiberhücum kritik maliyyə infrastrukturu üçün mühüm riskdir. Hakerlər pul-kredit siyasətinə və ya məlumatlara təsir etməsələr belə, sistemlərin komprometasiya olunması qlobal maliyyə sisteminə etimadı zəiflədə bilər.
Bazarlar üçün bu, geosiyasi gərginliyin artması siqnalıdır. Belə xəbərlər adətən volatilliyi yüksəldir və investorları qoruyucu aktivlərə yönəldir. Kriptobazarda reaksiya qarışıq ola bilər: Bitcoin qısamüddətli olaraq “rəqəmsal qızıl” kimi güclənə bilər, lakin eskalasiya zamanı riskli aktivlər, o cümlədən kriptovalyutalar təzyiq altında qala bilər.